日本名廚唔肯試食 反而令便利店即食飯糰賣斷市?

·1 分鐘文章

日本有好多綜藝節目,而且影響力十分之大,今個月就出現一件有趣事件,電視台一個試食節目請來日本各地名廚品嘗坊間一眾廉價嘅便利店即食飯糰,其中一位名廚就係輕井澤著名意大利餐廳大廚兼創辦人「小林幸司」,其餐廳預約每晚只招待4位客人,而且動輒需要過十萬日圓一位,可見其地位。

不過節目當中一眾名廚試食便利店即食飯糰時,去到Family Mart出品嘅「和風沙律醬吞拿魚飯糰」時,小林幸司卻拒絕試食,非常嫌棄咁拎上手左望右望,然後就話唔想食,主持人問佢,佢就話「呢個飯糰嘅外型完全無令我有想食嘅慾望。」最後幾乎要同場嘅便利店負責人聲淚俱下之下先肯輕咬咗飯糰邊邊嘅飯粒一口,連餡都無食到,最後畀出「不合格」嘅評分。

事後觀眾對小林幸司非常不滿,仲紛紛去到佢餐廳嘅網站上留下負評,導致餐廳要暫時關閉網站。至於事件中嘅主角飯糰就反而得到一眾網民力撐,話以118日圓嚟講可以話係超值,仲一度爆紅搶到全線斷貨呢!

Family Mart嘅「和風沙律醬吞拿魚飯糰」,一度賣到斷市。(圖:takigare3@twitter)
Family Mart嘅「和風沙律醬吞拿魚飯糰」,一度賣到斷市。(圖:takigare3@twitter)
名廚小林幸司極度嫌棄,完全唔想試食。(圖:takigare3@twitter)
名廚小林幸司極度嫌棄,完全唔想試食。(圖:takigare3@twitter)
飯糰一度賣斷市,仲有趣地寫上相關新聞解釋。(圖:takigare3@twitter)
飯糰一度賣斷市,仲有趣地寫上相關新聞解釋。(圖:takigare3@twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

更多相關文章:

英國公司進行社會實驗!員工每周工作四天 仍可拎全份糧?

泰國寵物用品展上演真實版「龜兔賽跑」 網民:童話故事無呃人

浪費天然氣半世紀!土庫曼「地獄之門」將關閉

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能