日本布口罩變手信 紮染口罩超搶眼

Yahoo 旅遊

今次疫情,令日本呢個國際大國令人大跌眼鏡,估唔到一個咁發達嘅國家,但面對疫情,種種措施都令人非常失望,唔單止係對國際,對日本人而言亦然,日本民眾直拆「政府是否想置人民於死地?」用以形容抗疫不力嘅政府。

不過政府不力,無損日本人「尋常事認真做」嘅一貫態度,今次疫情最重要嘅防疫用品當然係日戴夜戴嘅口罩,而近日名古屋一間傳統紮染工藝店嘅布口罩就突然打響名堂。原來近日名古屋市長河村隆之開記者會,戴住一個紮染顏色嘅口罩,又搶眼又有藝術感,成功於網上引起話題,後來發現係名古屋一間老店「有松絞染」出品嘅布口罩。

有松絞染嘅口罩全人手製作,每日只能出產20至30個,可以話係精品中嘅精品,同日本好多手工藝品一樣,匠心獨具。唔止名古屋,唔少日本傳統織布老店都突然有唔少人搶購布口罩,例如沖繩出產「紅型」布口罩,福岡久留米市「久留米織」出產武士口罩,岡山出產牛仔布丹寧口罩等。相信疫情過後,都一定會成為人人搶購嘅手工藝品。

名古屋著名紮染老店「有松紋染」每日只出產20至30個布口罩。
名古屋著名紮染老店「有松紋染」每日只出產20至30個布口罩。
名古屋市長成為最佳宣傳大使,推動本土產業。
名古屋市長成為最佳宣傳大使,推動本土產業。
岡山為日本最出名丹寧出產大國,今次亦生產唔少丹寧口罩。
岡山為日本最出名丹寧出產大國,今次亦生產唔少丹寧口罩。


相關文章:

日本抗疫措施又失手-成田機場以紙皮箱做隔離檢疫

烏克蘭防疫宣傳品變藝術品-民眾瘋狂收藏

景編吃起來-礁溪隱藏版超彭湃海味料理


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看