日本手信太甜?台灣人排名最難食日本手信你一定都試過

日本向來係美食國度,基本上人人都愛食日本嘢,總有幾樣啱心水,有笑話指喺日本隨便食一間餐廳都好好味,想搵難食嘢都好難。不過日本手信又係咪全部都好食呢,咁又未必!

有台灣討論區日前就有人出Post,問大家有無中過伏,食過最難食嘅日本手信係咩?結果引起熱烈討論,唔少人茅頭直指其中兩款小食,幾乎個個去到都會買嚟做手信,其中包括「Tokyo Banana」,即係以香蕉造型為賣相嘅甜點,已經出咗過百款造型及口味,基本上日本任何城市嘅機場都會買得到;另外一款就係「八橋」,為一款類似餃子外型嘅甜點,外面用米粉薄皮,包住入面嘅甜餡料。

兩種手信都被台灣人嫌棄因為大家都認為太甜,甜味幾乎令人「牙都掉了」。不過亦有人解釋日本人食呢類和菓子都係配以無糖綠茶,所以先會於食物中加入大量糖。大家點睇,又鍾唔鍾意食呢?

日本第一大手信Tokyo Banana,竟然被台灣人所嫌棄。 (圖:Tokyo Banana)
日本第一大手信Tokyo Banana,竟然被台灣人所嫌棄。 (圖:Tokyo Banana)
推出百多款口味及不同造型包裝,吸引唔少人購買。 (圖:Tokyo Banana)
推出百多款口味及不同造型包裝,吸引唔少人購買。 (圖:Tokyo Banana)
另一款台灣人唔喜歡嘅食物就係「八橋」。 (圖:白心堂)
另一款台灣人唔喜歡嘅食物就係「八橋」。 (圖:白心堂)

相關文章:

本地好去處大埔美食打卡一日遊-白色貨櫃-cafe親親草泥馬綠色生活概念店

11月雪夢幻杭菊登場-七大賞花路線快筆記

冰島第二大冰川-本世紀內將消失