日本水蜜桃當造季節/品種/價錢一覽!果欄揀桃達人:日本桃要多毛墜手

每年六月尾至八月中,就是一期一會日本水蜜桃的當造季節,桃多眼亂,究竟點樣揀?Yahoo Food請來果欄揀桃達人教你揀最靚日本水蜜桃,即睇內文:

日本水蜜桃當造季節/品種/價錢一覽!果欄揀桃達人:日本桃要多毛墜手
日本水蜜桃當造季節/品種/價錢一覽!果欄揀桃達人:日本桃要多毛墜手

日本水蜜桃當造!七八月炎夏,處處聞桃香。梗係啦!每年六月尾至八月中,就是一期一會日本水蜜桃的當造季節。其中七月尾至八月中,更是黃金產桃期,最靚的日本水蜜桃,都在這時面世。有日本桃之鄉美譽的山梨縣,被稱為桃太郎故郷的岡山縣,都有不同品種的靚日本水蜜桃到港。桃多眼亂,究竟點樣揀?請來果欄揀桃達人,教你嚴選最靚日本水蜜桃。

👉🏻全新Yahoo Food Instagram上線啦!立即Follow獲取更多飲食攻略

日本水蜜桃 原產於中國?

桃,原產於中國,周朝已有記載,《詩經·國風·周南》中有〈桃夭〉一詩,說明年代久遠。後來經波斯西傳,逐漸傳播到亞洲周邊地區,輾轉連歐洲、澳洲和北美洲都有。在芸芸產地中,香港人最愛日本。每年入夏,六月尾開始,日本桃就陸續成熟,不同地區、不同品種,一直到八月中皆有供應。

「夏天六月尾七月頭開始有,最先係福岡及佐賀的溫室白鳳桃,因為溫室易控制,所以年年都係佢推先第一造,食頭啖湯。七月頭就輪到和歌山桃。入正季七月中,到山梨桃,可以產到八月。七月尾就輪到岡山,八月中就完。最後到長野桃及山梨及長野黃金桃,都係產到八月中左右。」水果供應商阿K如數家珍的說。

日本水蜜桃當造季節時間表

日本水蜜桃品種

當造期

溫室白鳳桃(福岡、佐賀)

6月尾-7月頭

和歌山桃

7月頭

山梨桃

7月中-8月

岡山桃

7月尾-8月中

長野桃

8月-8月中

黃金桃(山梨、長野)

8月-8月中

日本水蜜桃當造季節/品種/價錢一覽!果欄揀桃達人:日本桃要多毛墜手
七月尾到八月中,以山梨縣大糖嶺(左)及岡山縣清水白桃為當造代表。

阿K和朋友合作代理水果,已有五年時間,寶號開在油麻地果欄。但這年來見網上購物愈來愈流行,就在九龍灣開貨倉,取其交通便利又多熟客。他專攻日本水果,秋天引入鳥取二十世紀梨、青森蘋果。冬天就賣佐賀、岡山、長野士多啤梨。春天又有黑杮,夏天除了香印及晴王提子、夕張及靜岡蜜瓜外,就是主打日本水蜜桃。

日本水蜜桃當造季節/品種/價錢一覽!果欄揀桃達人:日本桃要多毛墜手
看看桃的表面上細佈絨毛,愈多代表桃愈甜。

山梨岡山最當造

日本國內生產的日本桃,種類以白鳳、黃桃、白桃、油桃為大宗。白鳳產量最多,特色是香氣濃郁、果肉白嫩、軟綿多汁、甜度恰到好處。黃桃果肉黃色,口感偏硬,多數加工作罐頭。白桃無論果皮果肉均呈白色,多肉多汁,有淡雅清香。油桃皮紅黃肉,表皮沒絨毛,可連皮食。幾種桃中,香港人最愛,當推白鳳及白桃。

日本水蜜桃當造季節/品種/價錢一覽!果欄揀桃達人:日本桃要多毛墜手
(後左起)大糖嶺$120-$140/2隻、春日居$110-120/2隻、信玄$100-$110/2隻、(前左起)清水白桃$100/2隻、白鳳$100/2隻

「七月尾到八月頭,最當造係山梨白鳳同埋岡山白桃。」阿K說。山梨縣,被譽為日本的「桃之鄉」,是全國水蜜桃產量最多的地方。山梨桃品種甚多,以白鳳為重中之重,現時最當造的首選大糖嶺,大糖嶺不是地方,是級數,一般要達到甜度13.5的,才可稱大糖嶺。熟透的大糖嶺,更可以去到17-18。還有春日居及信玄兩個品種,與大糖嶺級數相差不遠,一般甜度達13,熟透可達16-17左右,是嗜甜者的首選。

日本水蜜桃當造季節/品種/價錢一覽!果欄揀桃達人:日本桃要多毛墜手
外形圓渾飽滿,是好水蜜桃的首要條件。

至於岡山縣,此時當造的有清水白桃及白鳳兩種。岡山縣素有桃太郎故鄉美譽,自明治8年開始,引進中國天津水蜜桃及上海水蜜桃,經過不斷改良,加上良好氣候和風土種出有自家特色的岡山水蜜桃。以白桃為著名,每一顆水蜜桃都套上袋子細心培育,皮黃肉白,汁水豐沛,不追求甜度,追求的是清、香、滑,甜度一般維持在11-12左右,論甜度比不上山梨,甚至不及和歌山,但講清新卻是眾桃之冠,是清新口味者至愛。

揀日本桃要望摸聞切

「岡山最有名清水白桃,清甜香滑,七月尾開始當造,遲白鳳十天左右,食三星期左右就完。白鳳比清水白桃甜少少,七月中開始,到八月中左右,三四星期就完。」阿K說。他說,不論何種日本水蜜桃,揀水蜜桃的要訣,大同小異。

揀日本桃四大貼士

  1. ,外形要夠圓渾。椗位沒爛沒瘀沒蟲洞。

  2. ,拿上手要有墜手的感覺。

  3. ,整個桃散發香氣。

  4. ,切開要多水爆汁。

日本水蜜桃當造季節/品種/價錢一覽!果欄揀桃達人:日本桃要多毛墜手
用鼻可以聞到日本水蜜桃的香氣,山梨縣的會較濃甜,岡山的會較清新。

最後,留心觀察桃皮,要有細小絨毛,愈多代表愈甜。當然,日本桃也是愈成熟愈甜好吃,像山梨縣產的白鳳,熟透顏色會很紅。但觀色對岡山桃沒有作用。「岡山種放幾耐都係黃皮,唔知有幾成熟,所以一般客人嚟買,我都叫佢盡快食左先。」阿K說。

日本桃食法+去皮貼士

至於日本桃的皮是否能吃,阿K解釋,桃皮是纖維,理論上能吃,但因有絨毛,對此有敏感的人不宜,故此不議連皮吃。吃日本桃也有方法,先用鹽水清洗去毛,再用攝70度左右熱水浸洗20秒,再過冰水,讓其冷縮熱脹,桃皮就可以輕易撕開。未吃的日本桃,可以存放雪櫃,減慢成熟過程,咁就可以放多幾日先食啦!

日本水蜜桃當造季節/品種/價錢一覽!果欄揀桃達人:日本桃要多毛墜手
用攝氏70度熱水浸洗20秒再過冰水,桃皮冷縮熱脹,可以輕易掰開。
日本水蜜桃當造季節/品種/價錢一覽!果欄揀桃達人:日本桃要多毛墜手
切開汁水爆出,光看也流口水。

>>2023中秋合集│月餅優惠、水果貼士、中秋好去處<<

全新訂座平台「Yahoo訂餐廳×Openrice」正式上線!

>>立即按此了解更多香港各區餐廳訂座優惠<<

今晚食乜好?即睇最強雞翼食譜、牛油果食譜合集

地區美食合集!香港各區餐廳、cafe、甜品店推介

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

更多月餅優惠推介

月餅2023丨月餅早鳥優惠推介30間!榮華/皇玥/酒店月餅折扣一覽(附網購優惠連結)

月餅2023|榴槤月餅推介10間!榴槤冰皮早鳥價/獨家優惠碼/加$1多一盒

月餅2023〡蓮蓉月餅推介合集!榮華低至半價/利苑67折/逸東軒65折

月餅2023〡流心奶皇月餅推介合集!低至6折:榮華/美心/皇玥/望月

月餅2023|20間奶黃月餅推介 全城最貴/米芝蓮早鳥優惠價低至$228/配帝苑蝴蝶酥禮盒

月餅2023|四喜麵包西餅推出7款中秋限定電影主題月餅包裝 即日起預購享早鳥優惠

月餅2023|冰皮月餅優惠8間!早鳥價低至36折/最平$10個/獨家月餅優惠碼

華爾登餅店推Mirror/Error月餅!粉絲爭相搶購 連保錡都食

健康月餅│減肥必睇健康月餅6大迷思!營養師踼爆紫薯同純素月餅一樣肥

更多中秋聚會食乜好推介

到會推介2023〡中秋到會推介10間!送望月月餅/低至65折優惠/額外$200折扣

盆菜2023〡中秋盆菜推介8間!人均低至$70.9/回贈$500餐飲禮券/法式酥皮龍蝦盆菜

更多中秋揀水果貼士

中秋水果攻略│Top 10 港人最愛中秋水果!一文教齊點揀香印提子/日本桃/蜜瓜

日本水蜜桃當造季節/品種/價錢一覽!果欄揀桃達人:日本桃要多毛墜手

日本水蜜桃2023│水蜜桃6大新手疑問!越紅唔係越靚 多毛等於新鮮?(有片)

陽山水蜜桃2023|價錢超平¥10/個當造陽山桃爆紅!深圳盒馬鮮生以外仲可喺呢啲地方買到(附名單)

香印提子2023│日本香印提子3大選購貼士!一文睇清岡山晴王、長野、山梨價錢/甜度分別

麻豆文旦│文旦、柚子有乜分別?教你3招揀到冇核甜美多汁靚文旦

>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!