日本漁民手機跌海底 貼定位圖呼籲「執到記得通知我」
呢個電子銀包盛行嘅世代,唔見電話分分鐘慘過唔見銀包!當大家Touchwood地唔見電話嘅話,又會點做呢? 一名日本出海漁民係工作期間,於茫茫大海之中遺失了電話,事後竟然於網上貼出三張手機定位照,希望網友路過時幫佢注意,如果有人執到嘅話亦記得通知佢,引起網民們熱烈討論,最後連諾魯政府觀光局都作出回應。
事源呢位漁民於2月底係「遠洋漁業@海巻漁師」發文表示,自己唔見咗部iPhone Pro,貼出三張手機定位照,並講笑地話: 「我唔知道那邊嘅水有幾深」其定位照嘅座標係「0°49′44″S 146°58′36″E」,地點竟然遠在巴布亞紐幾內亞北方汪洋中。發文曝光後,引起其他網友熱烈討論,有人話「請日本警察潛入海底幫你搵」、「我第一次睇到有人拎地圖解釋遺失位置」,亦有人笑說「如果百年後出土,後人可以透過手機了解我們嘅生活」。
呢名遠洋漁民亦有攪笑地回應,「看附近嘅國家係巴布亞紐幾內亞、密克羅尼西亞、澳大利亞,接下來可能係關島、菲律賓,我要連絡邊個...」結果引來諾魯政府觀光局回應,「好抱歉我們無法幫忙,但手機應是遺落在巴布亞紐幾內亞的經濟海域內」令一眾網友爆笑!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!