日本煙民惡耗 公司規定連屋企都唔食得煙?
全球大趨勢都係禁煙,例如香港呢類大城市幾乎所有室內場所包括辦公室都已經禁煙,日本作為先進國家當然都有類似規定,不過近日有間日本公司就非常徹底,連員工於家中食煙都唔畀!
日本最大證券公司野村控股,日前就公告員工,就算在家工作,只要係工作時間內就不可吸煙。另外同時宣佈,10月將全面關閉辦公室所有吸煙區,要食煙的話就要放工之後先可以喇。野村就指非常關注員工健康,所以希望員工自律唔食煙,今次規定並無任何監管,只希望員工於家中時自律,就算被發現亦唔會有任何懲罰。其實另一大公司Calbee早於2018年已經禁止員工於工作時吸煙,似乎日本民間對全面禁煙已經有共識呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: