日本男勇闖荒廢遊樂園 摩天輪忽然自動轉動?

·1 分鐘文章

有唔少人喜歡去荒廢地方探險,覺得係試膽挑戰;近日一位日本男子就自己一個人去到滋賀縣一個荒廢咗35年嘅遊樂園,仲遇上奇遇!呢位網友去到「甲賀Family Land」,自1985年就停運至今嘅遊樂園,當中仍然保留住遊樂園嘅設施,當然都非常殘破,不過最令人驚嚇嘅係當佢去到摩天輪時,竟然發現摩天輪喺度慢慢轉動!佢即時用電話拍下片段,只見摩天輪緩緩轉動嘅同時仲發出機器轉動嘅聲音,仿佛仍然有人開動摩天輪一樣。網友就話自己有諗過不如登上其中一節車廂,不過如果萬一去到半空就停咗就落唔返嚟,所以最後都係望望就算。

影片上載後,好多網民都話好驚,仲吸引到一大班大膽朋友前來探險。有人現場考證過就話相信係摩天輪嘅設計容易被風吹動,而當中嘅聲響只係因為機械殘舊發出嘅嘈音呢。

去到摩天輪時,竟然發現摩天輪喺度慢慢轉動! (圖:鬼束七段@Twitter)
去到摩天輪時,竟然發現摩天輪喺度慢慢轉動! (圖:鬼束七段@Twitter)
樂園中仍然保留住遊樂園嘅設施,當然都非常殘破。 (圖:鬼束七段@Twitter)
樂園中仍然保留住遊樂園嘅設施,當然都非常殘破。 (圖:鬼束七段@Twitter)
當年樂園中嘅森林小火車,已經只剩殘骸。 (圖:鬼束七段@Twitter)
當年樂園中嘅森林小火車,已經只剩殘骸。 (圖:鬼束七段@Twitter)

下載全新Yahoo App

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!


相關文章:

狗狗好去處免費入場-沙田全新-2500-呎寵物樂園-設放電區野餐區

大澳好去處-大澳一日遊-大澳交通-大澳打卡-本地好去處-香港好去處

成名之路-環保少女通貝里登上郵票