日本空間改造節目 屋主中伏實錄
屋企人好鍾意睇日本嘅屋企改造節目(唔係《蝸居乜乜乜》啦),一來可以偷師睇吓點整靚屋企,二來啲日本室內設計師喎,一定有本事將原本又窄又唔啱住嘅地方,變得又靚又好用。 雖然,有時睇都會覺得,屋主係咪真係咁buy……有啲將廚房擺上頂樓,四邊都係落地玻璃,係靚嘅,不過……會唔會好唔自在。 果然,真係有苦主申訴。 有屋主塊地得5坪(約177平方呎),改造節目嘅建築師將浴室起喺睡房隔離,但係只用浴簾間隔,結果開大嘅sss味同埋沖涼嘅水氣,一屋都係。
另一個case,因為舊屋地板不平、甚至有成70cm地台高低差距而搞到女戶主仆親,參加節目之後,建築師只係同佢地傾左2次,而屋內空間比未整之前更狹窄。
仲有一個家庭,想小朋友多啲空間活動,建築師就將屋企做到成個庭園咁。係,小朋友真係可以跑來跑去,不過所有房間都為咗個中央庭園,而要設置喺座園四邊,即係……一係你就繞過個庭園,一係就要兜個大圈……
原來,即使強如日本,都不能打破「裝修一定會勞氣」呢個定律。報導原文【相關搜尋】裝修中伏大全
19+精選推介
秒like 19+ Facebook!