日本觀光農場 因一隻樹熊意外爆紅?

·1 分鐘文章

受疫症影響,全球旅遊業大受打擊,其中日本就少咗99.9%遊客。於關西淡路島上一個觀光農場就因為疫症令遊客大減,生意嚴重虧損。

不過幾星期前農場職員就拍低咗佢哋動物園其中一隻樹熊「大智」,坐於地上挨住牆並露出大肚腩,樣子非常頹喪,職員張照片貼上官網,估唔到竟然引起大批網民回應,話大智非常搞笑,「好似錯過尾班火車的大叔」,有人話佢十分豪邁,更有人笑指大智係由職員所扮「把後面的拉鍊拉開,給職員一罐啤酒吧!」估唔到成功令農場人氣急升,吸引大量日本本地遊客前往,可以話係農場嘅救星!大智今年7歲,於2013年於農場出生,可以話係土生土長,職員話佢自從2歲開始就會咁樣坐呢!

就係一張樹熊相,令農場起死回生。 (圖:淡路島農場)
就係一張樹熊相,令農場起死回生。 (圖:淡路島農場)
樹熊大智今年已經7歲,真係可以算係大叔呢。 (圖:淡路島農場)
樹熊大智今年已經7歲,真係可以算係大叔呢。 (圖:淡路島農場)
農場中有個小動物園,有唔同種類動物呢。 (圖:淡路島農場)
農場中有個小動物園,有唔同種類動物呢。 (圖:淡路島農場)

相關文章:

泰國監獄主題咖啡館-釋囚人士做職員

極具歷史價值-德國泰格爾機場正式關閉

新加坡旅遊新加坡新事-2020-海底夜宴一公里侏羅紀步道哆啦a夢展覽