日本貍貓雕像下體出現神秘物件 網民:兒童不宜!

去日本大家應該都會見到好多商店尤其係食店門外都有貍貓雕像,形象都不外乎係戴住斗笠,手執酒瓶。不過日前有一位日本網民就上載咗一張貍貓雕像照片,攝於歧阜縣大正村「大正羅曼館」之內,而該貍貓外型跟一般貍貓無太大分別,最大問題係出於其雙腳之中、胯下部位,竟然出現一個形狀詭異嘅物體,外型甚至同男人嘅「蛋蛋」十分相似!

事件後來發酵至日本媒體都要去採訪,而官方竟然畀出一個模稜兩可嘅回應:「是貍貓偶然掉下的東西」,全園都無職員知道究竟係咩嚟。日本網民都話係「金玉」(日文中指為男士嘅蛋蛋),有人話貍貓個樣非常痛苦,似乎係做完手術。

其實大家又知唔知點解日本人咁鍾意放貍貓像?原來日文中「貍貓」讀音有「超越別人」嘅意思,加上日本人自細開始聽好多有關貍貓嘅童話,有情意結而且覺得可以僻邪,所以唔少商店放貍貓像都希望取其意頭,生意可以超越其他對手呢。

有網民於網上貼出呢隻貍貓像,估唔到引起網民熱烈討論。(圖:EF65116JRF@Twitter)
有網民於網上貼出呢隻貍貓像,估唔到引起網民熱烈討論。(圖:EF65116JRF@Twitter)
有人直指貍貓胯下係「金玉」(日文中指為男士嘅蛋蛋)。(圖:EF65116JRF@Twitter)
有人直指貍貓胯下係「金玉」(日文中指為男士嘅蛋蛋)。(圖:EF65116JRF@Twitter)
日本人認為貍貓像有僻邪功用,同時可以超越其他對手。 (圖:日本旅遊局)
日本人認為貍貓像有僻邪功用,同時可以超越其他對手。 (圖:日本旅遊局)


相關文章:

尖沙咀期間限定藝術展-梵高的耳朵藝術裝置藝術大師-keith-haring畫作

新竹新旅館-多種房型夠奇怪-冰屋地獄都有

超美陸地版藍眼淚-110米閒置鐵路變身星光大道