日本Sony 63年來首次改名

·2 分鐘文章
Sony本來叫東京通信工業,1958年由盛田昭夫決意改成Sony
Sony本來叫東京通信工業,1958年由盛田昭夫決意改成Sony

無獨有偶,原來今日唔只港視改名、小米改Logo,日系大企Sony都係今日起改名,而且係歷時63年(63年來首次),就係由「索尼株式會社(Sony Corporation)」更名為「索尼集團株式會社(Sony Group Corporation)」,中間多咗「集團」。

大家都知道,Sony(美股:SNE)本來叫東京通信工業,1958年由盛田昭夫決意改成Sony,用意是不想企業局限於工業,直接用Sony衝出世界,而事實亦證明佢呢個決定相當成功,時至今日,已經無人會再用通信或工業去理解Sony——Sony就是Sony,企業所代表的,就是一種世界觀。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示。

「索尼株式會社(Sony Corporation)」更名為「索尼集團株式會社(Sony Group Corporation)」
「索尼株式會社(Sony Corporation)」更名為「索尼集團株式會社(Sony Group Corporation)」

想飛甩電子味

咁點解63年之後,Sony又要改名呢?其實係源於今次Sony反而想飛甩多年來的一陣電子味,想透過新名字,講畀大家知,佢係一個集團,集團有半導體、娛樂同金融、金控業務、電動車等,要強調自己是綜合性企業。

不過套用坊間看待小米新Logo的邏輯看,名字不就是多了個集團嗎?

睇返Google 2015年成立控股公司Alphabet,其實Sony改名可以大膽啲;或者是日本企業文化使然?實在不忍斷捨離「Sony」,所以才出此下策吧。你睇向來大膽創新著稱的王維基,直接將港視(1137.HK)改做「香港科技探索」,遲早入堆「契媽」個ARKX,不讓京東專美,就知Sony保守了。

相關報道:

王維基談香港:黑夜不會是永遠 港視擬改名「香港科技探索」

笑小米個 Logo 不如研究點解sell到(徐俊文)

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能