日本JR列車遲到一分鐘 為何車長遭到嚴懲?

·2 分鐘文章

眾所周知日本JR以準時見稱,哪怕一分一秒都計到盡,準時開車準時到達,日前日本有媒體就報道一單離奇事件,一位車長因為列車遲到一分鐘而被嚴懲,唔通真係一分鐘都要受罰,原來另有內情!

話說東海道一輛JR列車「光633號」由東京通往新大阪,車長中途竟然突然肚痛,無計可施之下居然搵嚟列車長幫手頂上,因為JR全部採用自動駕駛,所以列車長亦只係坐喺駕駛位中「望實」。車長最後解決後即時返回座位,前後不過3分鐘時間,當時列車坐有160人,時速達150公里。

事件雖然無造成任何意外,不過令列車遲到1分鐘,及後需要寫報告解釋,迫於無奈只有如實講出事情。JR公司自然唔容許出現如此危險行為,並決定予以處分嚴懲,公司話有安全守則指明如果車長肚痛,如果車上擁有車長牌照嘅員工,可以由佢哋暫代;若然無的話,可以於最近車站停車如廁,當然需要先通報上級。不過車長就話如果通報就太無面,加上會導致列車嚴重延誤,所以最後決定放棄通報。

日本JR以準時見稱,哪怕一分一秒都計到盡。
(圓:JReastJP@Facebook)
日本JR以準時見稱,哪怕一分一秒都計到盡。 (圓:JReastJP@Facebook)
車長最後解決後即時返回座位,前後不過3分鐘時間。
(圓:JReastJP@Facebook)
車長最後解決後即時返回座位,前後不過3分鐘時間。 (圓:JReastJP@Facebook)
公司話有安全守則指明如果車長肚痛可以點做。
(圓:JReastJP@Facebook)
公司話有安全守則指明如果車長肚痛可以點做。 (圓:JReastJP@Facebook)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!


相關文章:

行山路線-行山好去處-芙蓉山-荃灣-竹林禪院

台灣單車路線展覽-打卡位旅遊達人分享遊戲環節贏機票

為申請入世遺-日本小島撲殺-3-千隻貓貓?!