旺⾓新開上州和⽜主題店 燒⾁套餐嘆5大高質部位

·3 分鐘文章

香港唔少餐廳可以食到和牛,但會原隻買入嘅就唔多,而旺角呢間全新嘅⽇式和⽜燒⾁店就係其中一間。餐廳選用香港比較少見嘅A5上州和⽜,分割稀有部位推出燒肉同壽喜燒之外,餘下嘅部位會用嚟整其他牛肉菜式,務求運用成隻牛製作更多日本料理畀大家。

上州和⽜主題店
上州和⽜主題店
A5極上和⽜拼盤燒肉套餐($798)
A5極上和⽜拼盤燒肉套餐($798)

A5極上和⽜拼盤燒肉套餐($798)

上州和⽜來自日本群馬縣,食小麥、粟米同啤酒渣等天然飼料,肉味帶甜,油脂分佈平均。如果你鍾意油香十足嘅感覺,A5極上和⽜拼盤燒肉套餐就啱晒你,因為當中5個部位都係脂肪較重嘅部位,而且其中一個部位係當日推介,保證畀你試到最好嘅肉。套餐配埋清酒煮蜆、野菜拼盤、⾃家製泡菜、味噌湯同⽩飯,2個人食都幾飽㗎。

和牛上肩肉(當日推介)
和牛上肩肉(當日推介)
和牛內後腿肉
和牛內後腿肉
和牛小排
和牛小排
和牛肩胛
和牛肩胛
和牛臀內蓋
和牛臀內蓋

A5極上和⽜拼盤燒肉套餐包括4款指定部位,有內後腿肉、牛小排、肩胛同臀內蓋;另加1款是日推介,而當日就有上肩肉。想追加的話,開飯仔推介相當香軟嘅牛小排,同埋肉味比較突出嘅內後腿肉。

火炙A5和牛丼($288)
火炙A5和牛丼($288)
火炙至半生熟
火炙至半生熟

午市套餐嘅火炙A5和牛丼都好用心製作,以特別訂購嘅石板火炙和牛片,令肉片平均受熱,做到半生熟嘅效果。

記得撈埋蛋汁
記得撈埋蛋汁

和牛本身用鹽同黑椒輕輕調味,配埋蔥花同蛋汁更加提升香滑度。套餐包埋味噌湯、沙律同汽水或熱飲,想豐富啲可以升級配特飲(加$8),好似巨峰提子梳打都有粒粒果肉㗎。

極上三色和牛壽司($148)
極上三色和牛壽司($148)

極上三色和牛壽司就有3款生熟度唔同嘅和牛壽司,而且分別配上薑蓉、醬汁配蔥花同松露醬,帶出唔同嘅鮮香味。

香煎和牛餃子($68/5隻)
香煎和牛餃子($68/5隻)

輕食啲亦有香煎和牛餃子,自家手工包製都幾大隻。咬開肉汁豐富,肉味亦比一般牛肉餃子濃郁。

大吞拿魚腩($188)
大吞拿魚腩($188)

餐廳會不定期購⼊原條⽇本⻑崎吞拿⿂,推出多款拖羅菜式。拖羅控大愛嘅大吞拿魚腩刺身厚切上碟,入口好新鮮嫩滑。

鐵火丼($98)
鐵火丼($98)

如果想平平哋食個刺身丼,落足料嘅鐵火丼係唔錯嘅選擇。以牛油果配吞拿⿂刺身,口感豐富而且多一份清甜感。

上州一頭和牛
地址:旺角太子道西193號MOKO新世紀廣場3樓食代館

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能