旺角新開南越Fusion Cafe 必試招牌鮮甜牛肉粉 首創炸米粉塔+蛋啤酒

·5 分鐘文章

越南餐廳就見得多,南越Fusion嘅又見過未?旺角呢間樓上Cafe主打南越南Fusion菜式,有大家常見嘅牛肉粉、越南法包,亦有平時少見嘅越南街頭小食,糅合創意同唔同烹調方法。仲有香港首見嘅炸米粉塔同越式蛋啤酒!

今次新店嘅招牌牛肉粉
今次新店嘅招牌牛肉粉

NAM VIỆT NAM Café由知名主廚Justin(陳希裕)主理,師承米芝蓮星級大廚,嫲嫲係老撾皇族後裔。今次新店嘅招牌牛肉粉,湯底就係傳承自嫲嫲嘅食譜,經歷南越南、老撾、法國等口味影響,再加以改良。

[嫲嫲南越湯]招牌金邊粉($88)
[嫲嫲南越湯]招牌金邊粉($88)

[嫲嫲南越湯]招牌金邊粉($88)

湯底用牛面頰、牛尾等五個部位,熬製足24小時,味道鮮甜濃郁,加埋香料感覺更清爽。配料就有有牛肉片、牛面頰、牛腱、牛筋、牛肉丸同油炸鬼,牛肉片嫩滑,牛筋軟腍充滿膠質,油炸鬼更加係索晒湯底精華!連金邊粉都特別空運到港,口感細滑爽彈。配是拉差辣椒醬同甜醬,不過開飯仔就覺得唔使點醬都好夠味。

烤蔞葉雞配青蘋果條($98/全隻,$78/半隻)
烤蔞葉雞配青蘋果條($98/全隻,$78/半隻)

烤蔞葉雞配青蘋果條($98/全隻,$78/半隻)

以南越南經典菜式蔞葉烤肉卷為靈感,改為烤雞配搭以蝦頭油炸嘅青蘋果條。蔞葉帶少少胡椒香氣,可以帶出肉香,而烤雞口感皮脆肉滑,有油香而唔肥膩。蘋果條聞落有濃郁蝦香,食起嚟味道鹹鹹辣辣咁,蘋果本身嘅酸甜果汁平衡返,整體香口得嚟而唔會太重口味。

慢烤煮12小時乳豬配生菜包($180)
慢烤煮12小時乳豬配生菜包($180)

慢烤煮12小時乳豬配生菜包($180)

烤乳豬亦係越南常見傳統美食之一,餐廳就加入近年興起嘅慢煮方法加以改良,將乳豬先低溫慢煮12個鐘,再放入焗爐烤香。乳豬皮夠薄夠脆嘅同時,豬肉又保持到嫩滑多汁。

NVM南越法式麵包配肉湯($78)
NVM南越法式麵包配肉湯($78)

NVM南越法式麵包配肉湯($78)

越南法包配料豐富,包括自家製黑啤酒豬肝醬、豬耳、燻蹄、扎肉、酸菜、香葉、蔥花等,食落口感層次非常豐富,法包外脆內軟、豬耳脆嫩、豬肝醬香滑、酸菜爽口。仲會附上牛肉湯,等大家可以好似法國人咁將法包點湯一齊食。

NVN高樓米塔($48)
NVN高樓米塔($48)

NVN高樓米塔($48)

呢座白色小山丘其實係炸米粉,將越南米粉炸脆後疊高,食之前先淋上加入香茅、青檸葉等香料嘅濃湯,好玩之餘又獨一無二。

Shake Shake雞軟骨($42)
Shake Shake雞軟骨($42)

Shake Shake雞軟骨($42)

小食同樣都具備好玩元素,呢款Shake Shake雞軟骨用紙袋裝住,裡面已經有炸雞軟骨、蒜香調味粉、青檸葉、香茅等調味,上枱後再按自己口味加入辣椒粒同青檸汁,Shake勻之後再倒出嚟食。雞軟骨外酥內脆,香辣惹味,加上青檸汁酸酸哋更醒胃。

五香豬腩伴鍋巴($48)
五香豬腩伴鍋巴($48)

五香豬腩伴鍋巴($48)

五香豬腩口感甘香鬆化,而且相當入味。配搭香脆嘅鍋巴一齊食,口感層次豐富。

脆米紙薄餅($48)
脆米紙薄餅($48)

脆米紙薄餅($48)

靈感嚟自街頭小食越南煎餅,但將餅底改為炸米紙口感輕薄香脆,配搭越南香腸、蝦乾、秘製酸瓜,同檳榔葉等,味道豐富。

南越蟹肉醬配脆球餅($68)
南越蟹肉醬配脆球餅($68)

南越蟹肉醬配脆球餅($68)

另一款香口小食推介,食法係將蟹肉醬釀入脆球餅再食,外層酥脆唔油膩,裡面嘅蟹肉醬味道酸酸甜甜富蟹肉香。

南越蛋咖啡($28)
南越蛋咖啡($28)

南越蛋咖啡($28)

南越蛋咖啡表面係有焦糖脆面嘅蛋醬,記得唔好攪勻就咁飲,會先飲到焦糖甜香,然後係蛋醬嘅雞蛋味,最後係咖啡嘅濃郁醇香。蛋醬口感柔滑輕盈,有啲似奶蓋咁。另附一小件綠豆糕,配搭起嚟更突顯甜味,當飲品得當甜品亦得!

越式蛋啤酒($38)
越式蛋啤酒($38)

越式蛋啤酒($38)

餐廳係香港首間引入越南蛋啤酒嘅,飲嘅時候將越南啤酒倒入裝住自家製蜂糖蛋醬嘅玻璃杯中。綿滑香甜嘅蛋醬同清爽嘅越南啤酒真係好夾!

越南手工啤酒($48/樽)
越南手工啤酒($48/樽)

越南手工啤酒($48/樽)

唔飲蛋啤酒仲有越南Heart of Darkness嘅手工精釀啤酒,First Sunset係加入越南金桔釀製嘅Pale Ale,帶柑橘香氣;Futile Purpose就落咗青瓜,酒體清爽;Marlow's Mellow係IPA,帶柚子香同草本苦韻。

微藻檸檬薑茶($28)
微藻檸檬薑茶($28)

微藻檸檬薑茶($28)

見到藍色唔好以為又係蝶豆花,其實係一種有助抗氧化嘅微藻,漸層效果非常搶鏡。

NAM VIỆT NAM Café
NAM VIỆT NAM Café

NAM VIỆT NAM Café
地址:旺角彌敦道726號1樓