公仔麵雖然是平價美食，卻是每個香港人的Comfort food，簡單至一碗出前一丁都是集體回憶。最近旺角就開了間以公仔麵為主題的餐廳—筷趣一町，餐廳更請來米芝蓮推介餐廳Le Dôme de Cristal香檳餐廳前行政總廚Stanley Tang坐鎮，將公仔麵味道跟賣相都一一昇華，成為新一代美食。
【立即讚好】全新 Yahoo Food Facebook 專頁
總廚：「包調味料就係精華」 $278食鮮龍蝦公仔麵
筷趣一町位於旺角朗豪坊地庫，裝修新穎，安格斯牛扒、西班牙八爪魚、精品咖啡一一齊備，
誰又想到這是間主打公仔麵的餐廳？「我們暫時有出前一丁、蟹王麵同讚歧烏冬，客人可以配上唔同湯底。」Stanley說，「因為我係西餐出身，所以餐牌都有加入西餐元素，好似有自家製龍蝦湯。」他推介招牌芝士焗活波士頓龍蝦，以白酒芥末忌廉汁燴龍蝦肉，再用Mozzarella Cheese焗製，即叫即焗，再配上龍蝦湯湯底，頓時令公仔麵滋味升級。
除了高級版的龍蝦公仔麵，另一主打就是自選一町，「有啲似車仔麵，但配料就更國際化。」好像有日式的酥炸廣島生蠔、軟殻蟹、新餐肉等，但最吸引的還是經典的沙嗲牛肉，「我哋用咗本地牛腍肉，牛味更突出，沙嗲醬亦落重粗粒花生醬。」Stanley說，食客亦可以挑選蟹王麵、出前一丁或烏冬。
但到底出前一丁跟蟹王麵有甚麼分別？原來出前一丁麵身較硬身，而蟹王麵麵條則比較滑身跟幼身，「不過揀咩麵好睇個人喜好，點樣煮出前一丁都係個人做法，無話啱與錯。」而Stanley煮麵方法，就是當水滾起將麵跟調味料一同落鍋，「包調味料就係精華，咁樣煮個麵就會入味啲。」他笑道。
卡邦尼Mix公仔麵 手掌咁長八爪魚熱狗
想搞搞新意思？Stanley就將出前一到與意大利菜代表美食之一，卡邦尼意粉結合，「既然意粉可以，點解公仔麵唔得呢？」雖然醬汁沒有改變，但是煮麵卻要變得快手，「因為公仔麵好快會腍，所以基本上一落醬汁後，就要出餐。」Stanley說。
公仔麵以外，最驚喜的可算是一系列創意西餐，當中有手掌咁長的西班牙原條10吋八爪魚卷，「首先將八爪魚慢煮3個鐘，當食客order時，再搽上鰻魚汁燒一燒。」吃起來十分惹味，而且由於分量十足，一家四口分享也沒有問題。
筷趣一町
地址：旺角亞皆老街8號朗豪坊地庫B2層26-27號（地圖按此）
電話：3168 6242
營業時間：11:00am-10:00pm
更多旺角美食推介
【旺角美食】DPD大牌檔食盡東亞南風味 前球星陳肇麒+前酒店總廚坐鎮
【旺角美食】超抵飲食優惠：$20日式咖喱炸雞飯+$39足料牛肉飯
