雅虎香港新聞【旺角美食】旺角樓上café想疫市開分店 90後店主：慶幸自己當時踏出第一步
不做一件事，總有千萬個理由；但落手落腳做一件事，理由往往只有一個：因為想做，所以去做。2020至今，政局亂、疫情未退、經濟不好、市道差……時勢艱難，如果你已經有一間餐廳，能夠穩住陣腳，唔蝕就當贏，已屬萬幸，何苦要開多一間？擔心多一間？旺角樓上café 90s Lazy負責人凌先生偏偏在這時勢扑搥開分店。
【立即讚好】全新 Yahoo Food Facebook 專頁
開café 鍾情樓上舖
Café名字之中的90’s，原因是由一班90後的兄弟幫開設。凌先生是大腦，也是大廚，他是廚師出身，做過café也做過西餐。邊工作邊儲錢，找志同道合的死黨開餐廳，選址旺角樓上舖，也可見這個只有24歲的年輕老闆頗有想法：「自己覺得café係要有少少隱秘先好，所以無特別考慮地舖。當然，租金都係一個考慮啦。」他自言是café常客，但有感「旺角區café好似好多，但樓上的，坐得舒服而唔太貴的咖啡店，其實真係唔多。」至於店名中的”Lazy”，其實只屬自嘲性質，因為café內的設計，裝修，擺設，全部都由兄弟們一手一腳完成，懶？又似乎說不上。
食物大路 勝在有心機
格局是café，餐牌也走café風格：全日早餐、pasta意粉、意大利飯、多士、沙律、香口小食樣樣齊。大路中見心機，例如炸薯條，炸粉中加入少量啤酒，薯條入口更鬆更脆；又如明太子意粉，意粉汁內也加了明太子醬及忌廉去炒，意粉條條掛汁，微辣好吃；鰻魚蛋包飯，每碟都用上2隻蛋，炒得嫩滑。唯獨是地方及人手所限，暫時沒有咖啡。這也激使凌先生求變，就在4，5月疫情肆虐時，他決定在同區再開一舖。「地方會比現時舖大幾倍，能做到的食物及飲品也更多，比較貼近我心目中的café模樣。」
疫市出擊 敢於承擔風險
「開分店當然有風險，但做咩係完全無風險？」凌先生回想疫情第三波高峰時，試過連續幾日，每日只得幾百蚊生意：「成班兄弟在餐廳呆坐，打足一日機，因為真係無客。」經歷過如此慘況，仍要於疫市出擊開分店，也不是靠心口那個勇字：「趁年輕就要試，好似當日開第一間舖其實都驚，但而家睇返，慶幸自己當時有踏出第一步，否則而家連第一間都無。」
90s Lazy
地址：旺角亞皆老街83號先施大廈4樓401號舖(地圖按此)
電話：6744 6315
今晚食乜好？即睇最強雞翼食譜、牛油果食譜合集
食乜養生好？二十四節氣：中醫教路/湯水進補/穴位養生
想知最新飲食資訊？按此觀看Yahoo Food編輯推介
自助餐推介！睇盡各種自助餐優惠/回本攻略
更多旺角美食推介
【旺角美食】人龍掃街小食店10間！韓國熱狗棒+芫荽腸粉+文青雞翼
【旺角美食】超抵飲食優惠：$20日式咖喱炸雞飯+$39足料牛肉飯
【旺角美食】DPD大牌檔食盡東亞南風味 前球星陳肇麒+前酒店總廚坐鎮
