旺角高質french toast甜品店兩日零收入 店主:甜品,唔可以愁住做
下午四時的通菜街,本該擺滿攤檔,正常情況下,你不會見到鐵皮檔後被遮蔽的小店,然而嚴峻疫情下,哪有「正常」?上年年尾新開的甜品店”My Wish Dessert Shop”老闆兼大廚Perry說:「前日同一個在女人街擺了廿多年檔口的女檔主傾計,佢都話,咁多年,未見過女人街咁冷清。」在政府宣佈禁6pm晚市堂食,及每日確診人數首次衝上5位數的那個星期,Perry的甜品店,也首次錄得2日「零」生意額,不過他卻拍拍心口面對:「做了廚廿年,除了廚藝,就係學到人在逆境時,更需要提醒自己,保持初心。」
「無熱情,你點可以長時間做甜品?唔可以愁住做架。」My Wish Dessert Shop店主Perry
【立即讚好】全新 Yahoo Food Facebook 專頁
「最緊要繼續開舖」
Perry是典型紅褲子,廿歲入行,喜歡西餐,特別是甜品,一做就廿年,米芝蓮餐館,星級大酒店他都做過,儲夠經驗,想一試身手開甜品店,第1間為賺經驗,現時的店是他第2間,於上年12月開業,享受過1個月的疫前旺市,weekend甚至有人龍。直至開業個多月後就遇上第5波,Perry憶述該星期的心路歷程:「以前打工,都未見過一日可以完全無生意,而我哋上星期就試過2日,全日零收入。」
他慶幸自己是蚊型小店,全店由他一腳踢,控制成本更靈活:「首先入貨要減少,備貨方面,以前一日準備2日貨,而家因為量少,每日都只會準備當日用的食材,某些不耐放的甜品索性刪掉,像粟米拿破崙,怕不新鮮,我寧願暫時不做。」時勢不穩,Perry又會向前輩同行取經:「有啲好有經驗嘅大師傅都叫我繼續開,因為如果餐廳休息得1日,就會好易休息多1日,最緊要就係繼續開舖,先有機會。」
抗疫境 和員工足夠溝通
預貨容易,人手呢?Perry的甜品店有一特色,就是聘請了部份殘疾人士為員工,或者是長期病患者,疫情下,他也不放心員工上班,因此他會和各員工傾計溝通,詢問各自意願:「其實員工都想返工,有人向我說,如果日日留在家,與家人關係反而會有壞影響,易生磨擦,如果佢哋想返5個鐘就5個鐘,6個鐘就6個鐘,都係靠溝通。」
「甜品,唔可以愁住做」
心態正面,節流外,當然也要開源,Perry就利用近來空閒時間去接「散水餅」生意,「當係幫補下」他笑言。多年的甜品廚經驗,令他相信「無熱情,你點可以長時間做甜品?唔可以愁住做架。」像他的招牌法式吐司就功夫多多,別的店可能直接用現成brioche(法國奶油麵包),他卻選擇自製,用日本麵粉,日本蛋,把麵包浸在蛋漿達24小時再焗成吐司,配忌廉芝士或雪糕都好吃,最正是一款法國栗子蓉,加了少許櫻桃酒,香甜不膩。
或者另一款招牌「拿破崙」,酥皮自己摺自己焗,吉士自己打,加上是新鮮製,特別香口酥脆。簡單如Crème Brulee也用新鮮蛋,刻意做成半流心效果,比平常吃的更富蛋香。值得一提的是,小店的甜品比起同區便宜大概2成,在街外一份french toast 動輒近百元的今天,這裡不過$60/份。「開店初心都係想將有質素甜品分享開去。」這時勢,不忘初心,就是最好的心態。
全新訂座平台「Yahoo訂餐廳×Openrice」正式上線!
My Wish Dessert Shop
地址:旺角通菜街34號號地下(地圖按此)
電話:9255 4287
更多旺角美食推介
旺角拉麵│首次開拉麵店遇疫情生意跌七成 90後老闆:不裁員!唔開舖員工會無飯食
放題2022│旺角新川菜午市火鍋放題 $146酸菜魚套餐任食90分鐘火鍋+小籠包
旺角Graceland擁全港唯一黑膠唱片點唱機 美國南部特色慢煮料理|自家製特色雞尾酒|每月倒瀉籮蟹套餐
旺角佳人餐廳1月10日結業 疫後推$22焗飯焗意粉窮人糧尾恩物告終
旺角美食│新派茶餐廳紅豆冰室!$65特大魚柳All Day Breakfast
旺角美食|旺角小食店竹籤串燒雞蛋仔 多款自選口味+見到內餡方便打卡
煲仔榮記│慈雲山榮記茶餐室8月旺角開店!首創沙嗲牛煲仔麵+金蠔蝦乾煲仔飯
【旺角美食】旺角café專請年青人唔介意零經驗 背後原因感人 店名有意思
【旺角美食】90後一腳踢開傳統糖水舖 生磨芝麻糊日賣400碗
【旺角美食】混血型廚Justin Chan賣$88南越牛河 必食熬足24小時嫲嫲食譜越南Pho
【旺角cafe】旺角精品咖啡店地圖!15間Coffee Shop打卡/得獎咖啡豆/自家製蛋糕
【外賣優惠】旺角外賣自取優惠10間!半價壽司/6折天丼飯/拉麵買一送一
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!