明星副業變正職︳許廷鏗正職係牙醫兼歌手 一場意外黎珈而轉戰商界 林芊妤離大台變百萬Youtuber

明星副業變正職︳一場意外黎珈而轉戰商界 林芊妤Gathering事件離大台變百萬Youtuber
明星副業變正職︳一場意外黎珈而轉戰商界 林芊妤Gathering事件離大台變百萬Youtuber

今日有報導話,許廷鏗(Alfred)懷疑因為同唱片公司炒大鑊,早排出席活動同同公司藝人分開坐,甚至連唱片公司為旗下歌手喺ViuTV「Chill Club推介榜 年度推介20/21」網上拉票post,都冇Alfred份。「分手」傳聞似乎唔係空穴來風。

向來Alfred都keep住唱歌同牙醫2條路同步發展,即使唔再唱歌全職做牙醫都唔成問題。更何況唔少藝人都係將副業變全職,仲做得有聲有色!

黎珈而(黎姿)

明星副業變正職︳一場意外黎珈而轉戰商界 林芊妤Gathering事件離大台變百萬Youtuber
明星副業變正職︳一場意外黎珈而轉戰商界 林芊妤Gathering事件離大台變百萬Youtuber

本來係電視台花旦,又拎過視后,但係2007年一場交通意外令Gigi走向截然不同嘅人生軌道。當時Gigi胞弟黎嬰創立嘅醫學美容公司生意上軌道,但係黎嬰遇上交通意外重傷,無法打理事業,家姐Gigi隨即接手。無從商經驗嘅佢開頭只好請教朋友管理經驗,後來更索性淡出幕前全心營商,結果越做越出色,開設多間美容院以外更喺2017年上市,黎伽而被稱為「最靚CEO」。

林芊妤

明星副業變正職︳一場意外黎珈而轉戰商界 林芊妤Gathering事件離大台變百萬Youtuber
明星副業變正職︳一場意外黎珈而轉戰商界 林芊妤Gathering事件離大台變百萬Youtuber

喺同富二代「殘廁gathering」之前,Coffee只係大台其中一個唔太起眼演員,同時亦係瑜伽導師。「一夜成名」之後,Coffee同TVB和平解約,教瑜伽之外仲開YOUTUBE頻道示範做運動。2018年Coffee做媽媽之後,個人頻道人氣有增無減,訂閱人次仲超過一百萬,比起做大台小角色好搵得多!

廖偉雄

明星副業變正職︳一場意外黎珈而轉戰商界 林芊妤Gathering事件離大台變百萬Youtuber
明星副業變正職︳一場意外黎珈而轉戰商界 林芊妤Gathering事件離大台變百萬Youtuber

「燦神」金句多,可能同人生經驗豐富有關。喺TVB經典劇《網中人》飾演新移民阿燦而成名,做搞笑節目收視高企,不過廖偉雄鍾情做生意,多年來搞過美容直銷、返內地開卡拉OK、去大馬賣燒味等。可惜多次嘗試都係無功而還,甚至一度破產。近年燦神喺廣東省搞有機米耕作,產品成為全國十大品牌。

關正傑

明星副業變正職︳一場意外黎珈而轉戰商界 林芊妤Gathering事件離大台變百萬Youtuber
明星副業變正職︳一場意外黎珈而轉戰商界 林芊妤Gathering事件離大台變百萬Youtuber

可以話係八十年代正能量歌曲指定人選,作品膾灸人口,亦被稱為「隱世歌神」,連張學友參加歌唱比賽都係唱佢嘅《大地恩情》攞冠軍。好多人都知關正傑(Michael)本身係建築師,唱歌反而係副業,但係原來Michael有段時間離開工作多年嘅則師樓成為全職歌手,都可算係與別不同。80年代後期Michael同家人移居美國西雅圖,有傳轉行做房地產開發,行踪極為低調,甚至有頒獎禮邀請佢返港領獎都拒絕。

黃立成

明星副業變正職︳一場意外黎珈而轉戰商界 林芊妤Gathering事件離大台變百萬Youtuber
明星副業變正職︳一場意外黎珈而轉戰商界 林芊妤Gathering事件離大台變百萬Youtuber

唔少人搞高科技生意,台灣Rapper兼藝人黃立成同夥伴們2015年創立咗直播平台17LIVE,一度因為有用戶直播色情內容而被下架,但係現時已經有半億用戶。有報導估計黃立成因為17LIVE年賺過億新台幣,早前黃將手上股份出讓兼退出,相信都賺咗一大筆。黃立成亦都有投資電影、培育電競選手以及台灣版Clubhouse語音交流平台等生意。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!