《明星運動會》高手現身 黃嘉雯揮拍遇勁敵 似打職業賽!

·2 分鐘文章
黃嘉雯曾是羽毛球校隊,今次參賽自然是得心應手!
黃嘉雯曾是羽毛球校隊,今次參賽自然是得心應手!

藝人黃嘉雯、陳山聰及李思雅等日前參加《明星運動會》羽毛球賽事,中學時是羽毛球校隊的黃嘉雯事前加緊操練,但直言現場高手雲集,如同打職業賽!

無綫《明星運動會》各項賽事進行得如火如荼,日前在元朗區體育會進行羽毛球男、女子初賽及決賽。大會邀得羽毛球高手郭偉亮擔任隊長,帶領歌星谷婭溦、龔柯允及《聲夢傳奇》學員張馳豪、潘靜文進行表演賽。一眾藝員分成3隊作賽,當中包括陳山聰、黃嘉雯、李思雅、陳熙蕊、張名雅、林凱恩及謝嘉怡等,高層曾志偉亦有到場觀賽。

李思雅當打網球

黃嘉雯透露中學時是羽毛球校隊,但近年疏於練習,今次為了賽事重拾球拍,積極備戰:「我同朋友每日練習,練咗3、4日。細個爸爸經常同我練波,都係因為佢而開始打羽毛球。今次有得打比賽,好似返到中學參加陸運會咁,覺得好好玩同好開心!」她從未試過跟同事打波,發現大家實力高強:「真係臥虎藏龍,好似玩緊職業賽咁,大開眼界!」

至於熱愛長跑的陳山聰透露年輕時亦愛打羽毛球:「真係讀書嘅回憶返晒嚟,我讀中學嘅時候真係好醉心打羽毛球,打到條校褲爆軚都要繼續打嗰種,不過放低咗好耐。」他大讚今次比賽氣氛好,而且選手水準高:「唔係玩玩吓咁簡單,我直情覺得佢哋係半職業!」

網球好手李思雅謙稱羽毛球技術麻麻:「為咗比賽,之前約咗打開羽毛球嘅朋友出嚟對打,叻就一定唔係叻,基本上唔係識打,但打開網球,可能體力上好啲同跑得快啲,只係用打網球嘅感覺去打!」

李思雅不擅長打羽毛球,但勝在有運動細胞。
李思雅不擅長打羽毛球,但勝在有運動細胞。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能