昔日玉女依家去左邊?

自從網絡發展後,大家就再冇用玉女去稱呼心儀嘅女星,玉女一詞漸漸被人遺忘。今時今日,大家都慣咗用女神或者BB去稱呼心儀嘅女星。今日就同大家睇下一啲昔日玉女依家去咗邊度啦!

周慧敏
除咗被封為玉女掌門人之外,保養得宜嘅周慧敏 (Vivian) 仲被外界一致封為凍齡女神,唔講唔知完來已經46歲。最近,Vivian接拍咗九把刀嘅新電影《等一個人咖啡》,喺戲中飾演老闆娘角色深受觀眾喜歡,不過Vivian就話一路都有收到劇本,不過因為唔捨得啲貓,要打動佢再拍電影就有啲難度。


楊采妮
喺1992年,楊采妮 (Charlie) 因為同郭富城拍廣告,而開始受人注目。當年,更被喻為可以接周慧敏成為新一代玉女掌門人,多年來都以清純形象示人。喺工作上,Charlie 喺圈內作多方面嘗試,由模特兒到歌手演員,再到上年仲首次執導拍攝電影《聖誕玫瑰》。現年40歲嘅Charlie,喺上年就結咗婚做邱太,展開人生嘅新一頁。早前,Charlie獲導演陳德森邀請拍攝電影《一個人的武林》,電影中嘅佢一改溫柔面貌,扮演英氣十足嘅總督察。


 
張玉珊
張玉珊已經成為纖體公司上市主席,已成為一位成功嘅商人,佢15歲果年,喺美國讀書嘅張玉珊返香港渡假時被星探發掘拍廣告,及後更拍劇同唱歌。而近年引起最大嘅話題係幫欣宜減左100磅。同埋今年更獨具慧眼睇中《沒女大翻身》嘅新移民阿銀,搵阿銀改頭換面拍廣告。已好少喺幕前出現嘅張主席,一向都keep得唔錯,今年更破例以泳衣上陣拍廣告。


 
王馨平
1993年一首《別問我是誰》令王馨平進軍台灣樂壇,2012年亦都係因為余文樂男扮女裝扮王馨平唱《別問我是誰》令王馨平重新被香港人認識及人氣急升,仲回歸樂壇,喺今年推出新唱片。


 
劉小慧
當年有學生情人之稱,深受少男少女歡迎。自1997年,與草蜢成員蘇志威喺拉斯維加斯秘密註冊結婚,便漸漸淡出娛樂圈。婚後更誕下兩女,專心相夫教女,做少奶奶。但上年有報道指因老公嘅跳舞學校同埋男士禮服店生意啱啱起步,投資大未回本,連埋屋企日常開支,每個月嘅開支高達20萬。小慧為咗幫補家計,上年突然復出。仲北上登台搵銀幫補家計。不過事後,小慧就話佢好享受做一個九龍城師奶,冇諗住復出樂壇。嗰次嘅北上登台只係唔想自己太hea同埋有熟人搵先去唱。佢依家都係間中先出活動,好多時都俾記者影到佢同老公行街同幫手老公啲生意。
 


湯寶如
2007年與賽車手男朋友生咗個仔,之後就淡出娛樂圈。不過因為囝囝已經返學,湯寶如就有較多嘅私人時間,所以喺12年尾決定復出,喺紅館開騷。專注喺內地發展嘅佢,八月喺國內舉行巡迴演唱會,預計出年會返香港發展。



 

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能