星空下的仁醫︳演病童搶鏡小演員一覽 17歲黃可盈拍過三十幾套劇

·2 分鐘文章
星空下的仁醫
星空下的仁醫

TVB台慶劇《星空下的仁醫》雖然收視平平,唯一可喜之處係口碑唔錯。除咗2大視帝鄭嘉穎同馬國明、表現突出嘅鍾嘉欣同周家怡之外,一班演住院病童嘅童星都有出色表現。話唔定十幾年後,佢地分分鐘就係下一個視帝視后!

黃可盈

星空下的仁醫︳演病童搶鏡小演員一覽 17歲黃可盈拍過三十幾套劇
星空下的仁醫︳演病童搶鏡小演員一覽 17歲黃可盈拍過三十幾套劇

前幾集講述黃可盈飾演嘅少女阿雪患有卵巢腫瘤,同時亦被發現懷孕,佳雪父(韋家雄飾)為保愛女性命同意進行人工流產,但佳雪想保住BB,於是佢同主診醫生周家怡提出要求。黃可盈要演繹出內心掙扎,演技恰到好處,完全唔似17歲「小」演員!梗係啦,黃可盈5歲就拍廣告入行,之後再被TVB監製睇中邀請拍劇,至今拍過嘅TVB劇超過30套,比起劇中演實習醫生嘅新人更有經驗。演戲之餘,黃可盈仲考到八級鋼琴、識玩結他兼係香港兒童合唱團成員,多才多藝。

林靖文

星空下的仁醫︳演病童搶鏡小演員一覽 17歲黃可盈拍過三十幾套劇
星空下的仁醫︳演病童搶鏡小演員一覽 17歲黃可盈拍過三十幾套劇

另一個個案病人琳琳由林靖文飾演,劇中琳琳因為媽媽基因缺陷而得到遺傳病,要入院做手術之外,連媽媽都因為操勞而暈倒。林靖文要演爆喊戲份,完全唔使眼藥水幫手,睇到觀眾好心痛。12歲嘅靖文原來係「喊戲專家」,之前拍《法證先鋒IV》都要喊到眼腫,難怪連影后惠英紅都大讚。

陳卓妍

星空下的仁醫︳演病童搶鏡小演員一覽 17歲黃可盈拍過三十幾套劇
星空下的仁醫︳演病童搶鏡小演員一覽 17歲黃可盈拍過三十幾套劇

鍾嘉欣飾演嘅章以芯,入職安妮醫院後第一個病人係心臟有事嘅音樂少女喬喬。飾演喬喬嘅陳卓妍同樣有唔少忐忑不安嘅戲份,仲要講大段對白向好友同屋企人表達心跡,唔容易架!原來陳卓妍本身係少女樂隊Busy Bee Girls主音,識玩多種樂器,隊BAND開show仲有阮兆祥做嘉賓添。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能