星空下的仁醫|鍾嘉欣演醫生喊戲感動人心 網民力推佢做視后

·2 分鐘文章
《星空下的仁醫》鍾嘉欣
《星空下的仁醫》鍾嘉欣

無綫台慶劇《星空下的仁醫》正在熱播中,劇集以兒童醫院為題材,演員陣容非常鼎盛,包括有鄭嘉穎、鍾嘉欣、馬國明、周家怡及羅子溢等人主演,雖然首周收視麻麻哋,只有18.5點,不過觀眾口碑不俗。噚晚被網民稱為開播以來最感人嘅一集,鍾嘉欣出色嘅演繹更獲得大批網民留言讚賞。

噚晚就講到章以芯(鍾嘉欣飾)為何太(姜麗文飾)囡囡睿睿做手術,手術期間波折重重,先有醫院機房因水浸停電及戴日進(曾航生飾)中途暈倒,之後睿睿心臟無法正常運作,令章以芯一度認為手術失敗。章以芯喺等待時向許甘楓(鄭嘉穎飾)哭訴,眼淚更滴濕醫生袍,因為佢就嚟做媽媽,令佢感受到面對死亡嘅難受,唔知點同何太講手術失敗,許甘楓自告奮勇向何太交代狀況。最後章以芯突然醒覺諗出方法,最後手術成功。

今次《星空下的仁醫》係鍾嘉欣榮升媽媽後首度再出演女主角,喺噚晚嗰集佢完美演繹出感同身受,簡直係演技大爆發,唔少網民都留言大讚佢脫胎換骨、支持佢拎視后及被佢深深感動,例如:「支持嘉欣BB拎視后」、「tvb欠你一個視后!」、「今年嘉欣冇獎冇天理」、「今集很感動……我也差D忍不住喊……」、「鐘嘉欣生左仔之後,演內心戲好左好多, 尤其佢眼神帶到觀眾入戲」、「鍾嘉欣系休息室場喊戲,演得比佢以前爆喊既戲好左好多,以前總感覺佢演喊戲好表面,但佢今次表現好左好多,三年冇拍戲演技仲好左,證明今次佢真係用左好多努力研究角色。」、「嘉欣視后大熱...剛爆喊好有感柒力..有常在心FEEL」、「鐘嘉欣脫胎換骨...演技由內到外」、「嘉欣可以視后了」及「希望今年鐘嘉欣攞視后 反正都無咩競爭對手」等等。

《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》截圖
《星空下的仁醫》劇照
《星空下的仁醫》劇照
《星空下的仁醫》劇照
《星空下的仁醫》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能