【陳嘉寶3年抱3】星級生產力 娛圈最強多產父母 呢幾位生夠4個濕濕碎!

【陳嘉寶3年抱3】星級生產力 娛圈最強多產父母 呢幾位生夠4個濕濕碎!
【陳嘉寶3年抱3】星級生產力 娛圈最強多產父母 呢幾位生夠4個濕濕碎!

31歲嘅陳嘉寶(Anjay)剛剛宣布有喜,即將3年抱3,好犀利!Anjay喺IG出post公布喜訊時寫道「小時候幻想中,跟自己說好了的『32歲結婚, 35歲生第一個孩子』那個計劃案呢?煙消雲散了…」。雖則呢胎係驚喜,但係字裡行間睇得出Anjay仍然好高興,恭喜晒。

即將成為「三寶媽」嘅Anjay將會加入娛樂圈「多產父母」行列,而呢行真係有好多多仔父母,即使幕前工作繁重都密密生,要好熱愛大家庭同小朋友先得!

【陳嘉寶3年抱3】星級生產力 娛圈最強多產父母 呢幾位生夠4個濕濕碎!
【陳嘉寶3年抱3】星級生產力 娛圈最強多產父母 呢幾位生夠4個濕濕碎!

四寶之家

陳浩民、蔣麗莎(三女一子)

一早北上搵食嘅陳浩民,2011年7月迎娶內地女星蔣麗莎,同年11月大女雅薷出世,同媽咪同一日生日。之後5年陳浩民兩公婆密密造人,再多2個女1個仔,早前仲有報導話蔣麗莎唔介意追多個仔!

Bob、黃乙頤(三女一子)

本身一樣有3條Queen,Bob一早開聲恨仔,終於皇天不負有心人,2017年細仔林道申出世,搞掂!本身瓣數多多嘅Bob密密接job養家,Bob嫂一樣咁犀利,湊住4件之餘,近年仲進軍玄學界,幫人睇風水同塔羅占卜,難怪Bob話可以退休!

吳佩慈、紀曉波(兩子兩女)

當年出道以model身型被封為「九頭身」美少女,同內地商人紀曉波交往多年仲未結婚,被外界稱為「萬年未婚妻」,但係仍然「六年抱四」,上年41歲之齡誕下孻女,不時喺IG大晒富費家庭生活。

張新悅、楊哲安(四女)

老公係前教育局政治助理楊哲安,二人2007年結婚,2年後大女出世,本身Nicola打算「2個夠晒數」,但係結果意外再生2個,前年陀住細女嗰陣,仲惡搞自己歌曲《一不小心》公布喜訊。湊女以外,張新悅都有返學進修,2012年修畢港大環境管理理學碩士。

三寶之家

陳豪、陳茵媺(兩子一女)

10年前拍劇集《心戰》撻著嘅陳豪、陳茵媺,10年過後唔止結成夫婦,仲「三年抱三」!大仔陳梓燁(Aiden Joshua)、二仔陳浩鋒(Nathan Lucas)同孭女陳凱婷(Camilla)分別4-6歲,陳茵媺試過一打三帶仔女返加拿大探屋企人,相當厲害。

張栢芝(三子)

早前張栢芝被傳再度懷孕,後來佢回應記者時正式否認喜訊,仲話「依家冇,將來亦唔會有,真係夠嘞!唔生嘞」!都係嘅,本身已經係三子之母,即使大仔Lucas(謝振軒)同二仔謝振南(Quintus)都已經13歲同11歲,可以輕鬆少少,不過細仔張禮承(Marcus)只係2歲,仲好需要全天候湊住,再多一個?咪玩啦!

陳倩揚、陳浩然(兩子一女)

2008年港姐亞軍陳倩揚,2010年底結婚後半年就誕下大仔陳羲廷,再於2015及18年誕下一仔一女。倩揚仍然有擔任港台電台及電視節目主持,近來喺自己YOUTUBE頻道教人產後修身。

曹敏莉、張家傑(兩子一女)

2003年當選港姐冠軍之後,曾經効力TVB 6年,2010年約滿離巢,並且同年與男友張家傑結婚。自言鍾意小朋友嘅曹敏莉同老公育有兩子一女,已經決定「封肚」。

小S、許雅鈞(三女)

個性爽朗嘅小S(徐熙娣)同老公許雅鈞2005年結婚,翌年大女Elly出世,而二女同細女就喺2007及2012年出生。有睇《康熙來了》都記得小S待產同產後都會放大假,仲會自嘲有壓力要追返個仔。早前有服裝品牌搵小S三位千金拍廣告,佢地都深得媽咪遺傳,散發古怪又美麗嘅氣質。

胡諾言、陳琪(兩女一子)

向來形象親切又入屋嘅「胡仔」夫婦育有兩女一子,前年細仔3歲生日嘅時候,胡諾言話係時候添多名,被大女同老婆齊齊反對!

徐菁遙(徐淑敏)、黃浩(三女)

徐菁遙喺備受TVB力捧之際,2009年底同拍拖2個月嘅黃浩閃婚,轉個頭就生埋大女心瑤,唔夠一年再度誕女,到2014年細女出世!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!