【時代】導演翟俊威大有來頭 老豆係江湖猛人 打本開電影公司

·3 分鐘文章
【時代】導演翟俊威大有來頭 老豆係江湖猛人 打本開電影公司
【時代】導演翟俊威大有來頭 老豆係江湖猛人 打本開電影公司

以去年反修例運動為題材嘅電影《時代》,今年7月開鏡拍攝,最近公開首條預告片,最搶鏡一幕應該係前保安局局長李少光個仔李霖恩,對住飾演佢個仔嘅青年大罵「我咁辛苦供書教學,供到你上大學,有好人唔做你走去做暴徒?!」。

《時代》嘅演員都係熟口熟面嘅TVB藝人,至於邊位電影人咁大膽處理呢個咁高難度嘅題材?原來係一位新晉導演翟艾頓!

開鏡當日,翟艾頓接受訪問,佢話本身係拍開網上短片同廣告,有人問佢有冇興趣拍呢套戲,翟艾頓認為係一個挑戰,唔想放棄呢個機會。翟艾頓強調電影唔係要討論呢場運動,而係掙討點樣影響人與人之間關係。

【時代】導演翟俊威大有來頭 老豆係江湖猛人 打本開電影公司
【時代】導演翟俊威大有來頭 老豆係江湖猛人 打本開電影公司

《時代》以及拍攝嘅公司有專屬網頁,幕後介紹只係列出導演係Aden Chak,編劇係 Zachary Chak,但係無詳盡介紹。不過公司另外一個「旗下藝人」分頁就有2位藝人,咁啱都係叫Aden Chak同Zachary Chak,中文名分別係翟俊威同翟俊朗。而根據負責電檢嘅電影報刊辦資料,《時代》導演真係叫翟俊威。

【時代】導演翟俊威大有來頭 老豆係江湖猛人 打本開電影公司
【時代】導演翟俊威大有來頭 老豆係江湖猛人 打本開電影公司

【電影LOL】Cinema City半夜澄清 否認上映撐警片《時代》

翻查資料,翟俊威(Aden)原來係去年出道嘅唱作歌手,今年20歲,係吳國敬嘅入室弟子。Aden曾經自爆,試過有作品俾歌手唱紅咗,但因為唔識處理版權事宜,結果被「買斷」但係一毫子都收唔返,連名銜都冇份。

更爆嘅係,幾年前有傳媒訪問江湖猛人Me哥,原來佢就係Aden同Zachary嘅爸爸!兩個仔都想喺娛樂圈發展,Me哥除咗現身受訪,仲透露點樣幫助佢地,包括做太極同吳國敬演唱會搞手,等佢地可以唱和音學吓嘢,仲打本開電影公司!

老豆係揸fit人,不過Aden同Zachary都話,屋企管教好嚴,唔可以講粗口同出夜街,但係爸爸都會親自教佢地做功課。Me哥就話本身唔希望2個仔入行,驚太高調,後來先至支持。Me哥覺得Aden性格比較似自己,所以管得特別嚴。

【時代】導演翟俊威大有來頭 老豆係江湖猛人 打本開電影公司
【時代】導演翟俊威大有來頭 老豆係江湖猛人 打本開電影公司

講返《時代》,導演Aden話投資者只有一位,莫非就係Me哥?Aden仲話金主同演員們係朋友添!爸爸出錢又出力碌人情卡,希望Aden拍套好戲作為回報啦。