雅虎香港新聞 【時間管理】 如何避免墮入時間黑洞？ 從時間管理名著《8760》學習善用時間（1）
*此為授權轉載文章，作者為Private Portfolio*
《8760》到底係一個代表咩嘅數字？
答案係一年！8760小時
最近發現自己好似好忙，但又記唔起自己做左啲咩特別有印象嘅事於是就睇左《8760》呢一本關於時間管理嘅書，書入面嘅觀點以及整理時間嘅方法，都提醒要重新訂立有效嘅時間表。
每個人嘅時間都係一樣。
每個人一日嘅時間都係24小時，一年都係8760小時。咁點解有人會咁成功？而有人則庸庸碌碌？唯一嘅原因就係時間分配嘅方法唔同！人一生中多數只記得開心同悲傷嘅時刻，更多普通嘅時刻我哋多數都記唔起，就係咁好多時間我哋都浪費咗，呢啲時間我哋喺生命之中都冇留低啲乜嘢印記。
好多人會感嘆冇時間，到底係乜嘢偷走曬我哋嘅時間呢？
可能係拖延症、缺乏計劃、不良嘅情緒、唔識得拒絕人、甚至係太貪玩而沉迷娛樂，呢啲都係一個時間黑洞，無時無刻都吞噬緊你有限嘅時間，消耗緊你嘅生命。
一個比較有趣嘅現象係，呢啲時間黑洞往往都係最容易令人上癮嘅事，玩手機、睇電視、追連續劇、睇短片，部分人一開始睇就停唔到，就係咁時間就白白咁浪費咗。當然如果對自己嘅自制能力有足夠信心，玩玩手機休息吓，睇睇劇集放鬆吓，係完全冇問題嘅！但係現實，負責理智嘅大腦，往往都會輸畀負責享樂嘅大腦。本身打算睇10分鐘，15分鐘，結果睇1個鐘甚至2個鐘，時間就係咁白白浪費咗。
到底點先能夠讓自己工作，生活得到平衡呢？
答案係，只要每天進步少少就可以喇。如果想要一下子完全改變自己時間分配狀態，根本就係天方夜譚，不切實際。比如話每天先控制一吓自己睇視頻嘅時間，將玩手機嘅習慣改成睇兩頁書，再比如，夜晚早半個鐘瞓，聽朝早早半個鐘起身，等等。
時間管理睇起嚟好難，但係實際上只要有正確嘅方法就能夠事半功倍，時間管理嘅方法就係，通過技巧、技術、工具幫助我哋更高效地完成工作。
時間係公平嘅，如果我哋一年嘅《8760》小時，都能夠有效地運用到，可能開始嘅第一日，第一個星期，甚至乎一個月，喺短期冇明顯嘅效果，但只要堅持落去，等到一年結束，你望返轉頭一定發覺很多地方都發生咗變化。
就好似書入面有一句話，「沒有人不愛惜他的生命，但很少有人珍惜他的時間。」
你哋又有冇珍惜自己嘅時間呢？
編輯/製圖：Business Digest
你或許有興趣
【商業熱話】可口可樂前美國華裔工程師，竊取商業秘密罪名成立
【中澳關係】澳洲葡萄中國清關受阻，逾400貨櫃遭延5-10天
【行業數據】全球主要音樂市場收入變化，K-Pop讓韓國音樂收入飆升45%
【商業熱話】馬斯克出資1億美元進行減碳競賽活動
【數碼年代】香港通用電子支付平台推薦，一次比較各支付平台好壞！
如欲觀看更多相關文章，請瀏覽 Business Digest
