晒運動風婚照放閃 洪永城廁所求婚 梁諾妍辦完大事先Say Yes

·2 分鐘文章
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片

【星島日報報道】洪永城(Tony)與梁諾妍(Inez)拍拖3年有情人終成眷屬!昨公開戶外運動風格婚照宣布:「願餘生一起笑住過!」早在農曆年後已求婚成功的Tony揚言「是我的福氣」。Inez則爆在廁所被求婚的搞笑過程。二人將於今年內舉行婚禮。

文:娛樂組

Tony與Inez早已同居更屢傳婚訊,二人在社交網晒婚照報喜,Tony並向傳媒透露:「今年過完農曆新年後,我已向Inez求咗婚,之後我開始籌備監製電視劇,Inez就專注健身中心搬店和拍攝節目。我們o依家一邊忙工作,另一邊籌備婚禮,婚禮會今年內舉行,落實日子會開心share給大家。」

Inez則踢爆Tony求婚過程搞笑又感人,完全是Tony的style,過程令她笑到哭,她說:「有晚佢拍完嘢返屋企就入廁所一陣再出 ,跟住到我人有三急入廁所,佢又跟我入廁所。當我打開廁所門,原來佢布置咗一個攝錄機,喺洗手盆度放咗微型燈泡又有一束鮮花,鏡上貼咗心形卡寫『MARRY ME?』好笑又感動!我問點解要喺洗手間求婚?佢話知道我一定會去洗手間,最好笑係佢拎隻戒指出嚟求婚時,我話我真係好急,你等一等我去完廁所先,結果佢要等我辦完大事再求婚,我就Say Yes!」

黃翠如追10年前舊數

與Tony識於微時的黃翠如早知婚訊,感動說終於見證他長大,笑言:「叫佢10年前爭我嗰500蚊快啲還畀我,如果唔係唔打隻金豬畀佢!」她在社交網撰文祝賀並感激Inez『接收』缺點多多的Tony。蕭正楠則開心Tony『嫁』得出,決定不做兄弟,要他跪地斟茶。好友林夏薇昨日亦在社交網祝福Tony和Inez。而Inez的同門周栢豪、連詩雅、黎紀君以及公司老闆鄒世龍也紛紛送上祝福。

■Tony和Inez分享另類運動風格婚照,非常符合兩人愛運動的性格。

■Inez大爆廁所求婚趣事,又感動又好笑。

■另一輯行山婚照同樣閃爆。

■原來Tony早在農曆新年後就已經求婚,一邊忙工作,一邊籌備婚禮。

娛樂