【暑假好去處】親子本地一日遊推介!灣仔月餅班+尖沙咀Lego專題展覽

暑期嚟到啦!一眾家長一定非常煩惱究竟要帶小朋友去邊到玩,先可以「寓學習於娛樂」。其實,香港最近唔少商鋪都推出咗好期間限定活動,仲有啲係Cross-over 當紅嘅卡通人物,小朋友見到實心心眼。為咗等你同小朋友可以有個充實愉快假期,我哋安排咗個本地一日遊行程,有食,有玩,仲有學習,絕對滿足到你嘅需求。

灣仔:親子DIY SANRIO公仔月餅

中秋快到,估唔到今年奇華餅家與SANRIO聯手推出月餅班。只要180分鐘,就可以自製出將4個印有Hello Kitty、My Melody、PC狗和AP鴨嘅新口味月餅「草莓乳酪奶皇月」及「香橙乳酪奶皇月」!價格唔平,課程每位都要$620起,但學到一門手藝,又可以同小朋友齊齊享受做月餅嘅樂趣,真係好難得。而且完成咗工作坊之後,奇華仲會送番餐具套裝同文件夾,都算抵玩!

奇華餅家灣仔旗艦店

地址:灣仔皇后大道東188號2樓

開放日期:7月25/26/30日,8月3/4/14日(需網上預約)

交通:乘坐九巴101、111於修頓球場落,步行5分鐘均可到達

圖片來源:奇華FB

尖沙咀:蠟筆小新點心 送小新屁股扇

做月餅要搓麵糰咁攰,整完梗係要食番野補充體力!尖沙咀嘅DIM SUM ICON 再推蠟筆小新嘅點心,腸粉、蝦餃等30樣點心通通印有壞壞嘅小新同朋友們,搞笑又可愛!款款點心造型有趣,簡直睇得又食得。場內仲會派發小新屁股扇同設置打卡位,啱晒一班小新迷,消費滿$500,仲免費贈送小新一家人的亞加力擺設。

DIM SUM ICON 点心代表

地址:尖沙咀彌敦道100號The†ONE†3樓L308號鋪

舉行日期:即日 - 10月14日

交通:乘坐九巴1、1A在尖沙咀碼頭下車,步行8分鐘 / 乘坐九巴13X在尖沙咀東下車,步行15分鐘

圖片來源:点心代表FB

尖沙咀:太空館 x Lego專題展覽

嚟到尖沙咀,當然唔少得展覽館。今個暑假,太空館就同玩具公司樂高LEGO合作搞個「登月五十年」專題展覽,比大家有機會砌住Lego認識太空,極具互動性!館內最觸目嘅展品莫過於由超過20萬粒樂高積木所砌的5米高土星5號火箭,盛載著阿波羅十一號登月艙,相信一定令大人細路大開眼界!

香港太空館

開放日期:即日 - 9月2日

交通:乘坐九巴1、1A在尖沙咀碼頭下車,步行3分鐘


圖片來源:anna66d13 @ig

圖片來源:香港太空館 Hong Kong Space Museum @FB)

九龍灣:日本體驗展覽 認識生態環境

想小朋友邊玩邊增值,最後一站不如到Mega Box的教育型體驗展覽「變變變!MOVE生物體驗展」。場內將劃分6大主題互動區,包括要小朋友扮企鵝滑行的「生存海洋」、展示動物們的飲食習性及消化模式的「巨大圖鑑」等,透過玩樂遊戲、簡單任務、文字圖像及變裝探索等,於現場導師講解下了解更多自然生態冷知識,比小朋友邊體驗邊學習,啟發創意思維、判斷力及四肢靈敏度,小朋友一定獲益良多。

「變變變!MOVE生物體驗展」香港站

日期:2019年7月1日至10月20日

時間:上午10時至晚上8時 - 每2小時為1節(7月及8月份)

地點:九龍灣宏照道38號MegaBox L13


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能