曹永廉撐拍檔 王賢誌拒做和事老

韓君婷蔡國威爆發恩怨,擘面收場!曹永廉坦言前日與蔡國威見面傾過偈,他說:「佢對今次件事好失望,我就選擇相信佢,因為最近同佢合作得多,熟悉佢為人同性格,同韓君婷就冇合作。蔡國威覺得唔開心,話一定要講出嚟。」

至於曾與韓君婷、蔡國威遊船河的王賢誌表示:「我唔適合講任何嘢,兩個都係我朋友,我又唔知道內情,但如果你話大家連朋友都冇得做,梗係唔係咁好 啦!我覺得有啲咩事,都可以開心見誠坐低傾囉。(你會唔會做和事老?)我諗唔太適合。」