曾志偉升職加「辛」都開心

曾志偉近日榮升無綫總經理(節目內容營運),昨日他在將軍澳電視城出席《2021粵港澳大灣區青少年短片大賽》記者會,講到升職加薪,他笑說:「辛苦個辛,不過都開心嘅,唔係因為升職,功勞係身邊嘅同事,大家嘅工作得到認同,收視、廣告都好咗。(招攬更多人才?)不斷搵緊,已經加入咗好多年輕人,希望培育新一代,電視亦進入咗新紀元,需要多啲新嘢。我哋亦唔係做電視咁簡單,TVB係世界上最大嘅廣東話內容製造者,需要多啲年輕人去創造。」

他又指製作節目會多元化,笑說:「壓力梗係大,都係想用心提供娛樂,做啲觀眾想睇嘅嘢,依家香港生活咁緊張,我哋有責任做啲好節目畀大家睇。」