曾志偉72歲素宴籌款600萬 葉子楣金色緊身短旗袍出席展現豐滿身材

曾志偉於前日（14日）迎來72歲生日，每年生日前夕曾志偉都會舉辦素宴，與朋友聚會之餘，更為重建或修葺唔同嘅寺廟籌款。日前（13日），曾志偉一如嘅往舉辦大型慈善素宴，慶生同時為杭州蕭山「地藏禪寺」籌募修建經費。資深跨媒體傳媒人查小欣於社交平台分享多張當日素宴照片；其中，8、90年代性感女神葉子楣嘅打扮成為焦點。

查小欣表示，曾志偉親自上台恭請月和大和尚講開示，全程廿多分鐘；而11件法物拍賣嘅競投亦十分激烈，曾入讀TVB藝訓班嘅連炎輝投咗三件法物，並將其轉送給古天樂媽媽、胡楓及一位好友。素宴共籌得560多萬，不過曾志偉包底，令善款增至600萬。從照片中睇到，出席藝人眾多，包括胡楓、苗僑偉、湯盈盈、高海寧、葉子楣及蘇志威等等，染上一頭金髮嘅葉子楣著上金色緊身短旗袍，襯上黑色超高跟膝下靴，展現豐滿身材及纖幼雙腿。

葉子楣當年以驕人身材及性感演出得到關注，被冠以「波霸」之稱，曾拍攝《聊齋艷譚》、《玉蒲團》等三級片，不過一直緊守三點不露嘅原則，有傳曾有片商出價800萬叫佢露點演出，葉子楣都不為所動。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！