曾憑《老鼠愛大米》紅遍兩岸三地 楊臣剛遇騙局被呃走身家

·2 分鐘文章
楊臣剛
楊臣剛

你可能未必熟悉內地男歌手楊臣剛呢個名,但佢2004年推出嘅網路歌曲《老鼠愛大米》你一定會聽過。當年《老鼠愛大米》紅遍兩岸三地,同時令楊臣剛勁賺2億元人民幣。但可惜嘅係紅歌唔紅人,楊臣剛慢慢消失於幕前,之後佢一度交友不慎被騙走鉅款。嚟到今時今日,即使佢依然繼續創作歌曲,不過知名度和關注度已經不復當年。

2004年楊臣剛憑《老鼠愛大米》瞬間爆紅,佢仲曾經講過因為呢首歌令佢勁賺2億元人民幣。喺最紅嘅時候,佢商演接過不停,試過一個月跑60個城市、舉辦30場演唱會,就算發高燒去到攝氏40度,佢都會被公司帶出去表演。

根據內地傳媒報道,曾經係億萬富翁嘅楊臣剛,曾經喺上海結識一名聲稱自己係從事演藝事業嘅「大姐」,仲話要簽張惠妹和譚詠麟等重量級歌手,因此同楊臣剛要千萬元現金周轉。之後,楊臣剛將房子抵押兼將所有積蓄俾咗對方,結果呢位「大姐」收完錢之後人間蒸發,跟住先知道係一個騙局。

雖然啲錢俾人呃咗,不過楊臣剛至今都繼續創作歌曲,2017年推出專輯《我的前半聲》,專輯仲一口氣收錄咗119首作品,可惜人氣已經大不如前。現時間唔中佢都會參加商演,不過經常都係唱17年嘅作品《老鼠愛大米》。

楊臣剛
楊臣剛
楊臣剛
楊臣剛
楊臣剛
楊臣剛
楊臣剛
楊臣剛

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!