曾拒合照惹負評 鍾嘉欣再被「街坊」爆黑面

曾拒合照惹負評 鍾嘉欣再被「街坊」爆黑面
曾拒合照惹負評 鍾嘉欣再被「街坊」爆黑面

藝人鍾嘉欣正身在溫哥華為第三胎BB好好休養,不過就傳出佢曾拒合照惹負評,有網友指要求同佢影相時,鍾嘉欣一副恐懼樣拒絕對方,搞到被網友話佢唔夠Nice,同時又有粉絲幫手話佢可能只係有社交恐惧症,唔敢同陌生人傾太多。女神忽然形象下滑,點知抹黑言論一直唔停,網上再有網友稱聲係佢早年嘅舊將軍澳街坊,以往不時喺屋苑商場見到佢,但係每次望向嘉欣時,佢都會擰歪面:「望吓佢就黑面歪埋嘴怒睥,亦有自稱係佢鄰居嘅網友留言︰「一齊喺平台返上樓,佢行喺我後面,猛咁喺後面『嘖嘖』聲,怪我行得慢阻住佢。」

同時亦有自稱係從事幕後工作嘅網民又表示:「佢對我哋呢啲低職位嘅人態度差,就出晒名,行內人都知」、「佢真係好假,一秒變面又超級無禮貌人品差」不過都有網友質疑呢啲爆料者突然「傾巢而出」,口中所講嘅經歷未知真偽,甚至有可能係無中生有同網络欺凌。

鍾嘉欣被「舊街坊」指曾被佢黑面怒睥。
鍾嘉欣被「舊街坊」指曾被佢黑面怒睥。
有自稱幕後工作人員嘅網友話佢一秒變面。
有自稱幕後工作人員嘅網友話佢一秒變面。
不過呢啲「爆料」未知真偽。
不過呢啲「爆料」未知真偽。