曾樂彤「肉搏」寒流濕濕碎

東方日報
·1 分鐘文章
曾樂彤拍MV大騷長腿,甫士攞滿分。
曾樂彤拍MV大騷長腿,甫士攞滿分。

歌手曾樂彤最近翻唱張栢芝的舊作《不一樣的我》,當年此歌面世時,她僅得6歲,談到今次翻唱,她有透徹的詮釋:「首歌講緊分手嘅人有個唔同嘅心態,唔係好傷心,反而係釋放咗自己,變成更加好嘅自己,所以今次MV以靚靚為主,希望帶到歡樂畀大家。」

MV拍攝當日撞正寒流襲港,氣溫驟降至10度以下,穿上薄衣的她笑言「濕濕碎」:「因為以往我拍外景拍MV嘅經驗,唔係黑色暴雨警告就係要暴曬,同事都嗌晒救命,對比起今次嚟講比較好,拍出嚟嘅感覺好夏天,所以自己都好期待。」