曾犯搶劫罪 修女感化決心改過!古天樂 拍片為更生人士發聲

東方新地 - 娛聞
東方新地

現年47歲嘅金像影帝古天樂,除了身兼演藝人協會會長、多間電影製作公司、經理人公司的老闆,佢仲一直低調做善事,年中捐唔少錢畀慈善機構,又在內地興建咗近百間學校,令更多小朋友有機會讀書識字,上周古天樂更獲得「世界傑出華人」獎,其成就及善心獲得肯定!

其實古仔少年時曾誤入岐途,20歲時因犯搶劫罪,被判入教導所,幸最後被修女循循善誘令他決心改過,重新做人。近日古仔為懲教署拍咗一條短片,發聲鼓勵一眾更生人士!

撰文:東方新地 圖片:新傳媒圖片

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

鄭嘉穎補祝生日被網民取笑 網友:啱啱送完外賣收工?

古天樂:自己有能力就盡力幫吓人

日前古天樂出席《第十六屆世界傑出華人獎》頒獎典禮,從許冠文、楊受成手中接過獎項,成為其中一位「世界傑出華人」,古天樂表示領取這個獎好開心,也好有意義,一直希望有能力幫到更多人,貢獻大眾,他說得獎也很意外:「今次得獎已喜出望外,喺自己有能力嘅時候就盡力幫一下人,也希望受過幫助嘅人,以後也能去幫助別人。」

講到獲獎以後,會不會更有責任感去做慈善?佢立即話:「責任感,唔係由獎項嚟定奪,唔能夠話拿咗獎,就要做自己做能力以外的事。(有指你在內地興建100間學校?)向來不回應做慈善的事,想保持低調,總之有能力就繼續幫人啦!」

古天樂在頒獎典禮上,拒談內地建百間學校一事,希望保持低調。
古天樂在頒獎典禮上,拒談內地建百間學校一事,希望保持低調。

冇向家人提及獲獎

古仔坦言獲獎一事並冇同屋企人講,但係古天樂的媽媽就在和朋友食飯時從友人口中得知,他說:「返去就一直問我呢件事情,因為佢可以問上一整日,所以我都習慣咗唔話佢知呢啲事。」

古天樂少年時曾犯搶劫罪 被判入教導所

影帝古天樂20歲時曾誤入岐途犯搶劫罪,被判入教導所,後來更因服刑期間打架,致刑期由一年加判至兩年。惟幸得一位70歲的修女循循善誘教導,令他決心改過,重新做人。

古天樂: 以生命影響生命

懲教署8月26日推出短片,介紹第一屆更生先鋒領袖,30位成員在短片中暢談加入團隊後的感受和得着。古天樂更在片中發聲鼓勵一眾更生先鋒:「人生和電影一樣,於不同的場景,扮演著不同的角色,而每一個角色都必須付出努力才能夠成功。希望每一位更生先鋒領袖都能夠做好你們的角色,努力鍛鍊充實自己,從而透過不同活動,感染社會大眾支持更生,以生命影響生命。」

懲教署表示,「更生先鋒領袖」的成員為中三或以上的學生,透過多元化的訓練及活動,例如領袖和歷奇訓練、體能和步操訓練等,讓青少年裝備自我,發揮個人才能,並透過認識懲教工作和參與義工活動,在社區推廣守法和助更生的觀念。

更生先鋒領袖短片 古仔發聲鼓勵:

古天樂型英帥25年

近年密密接戲嘅古天樂,就連佢娘家TVB九月一日深夜開始亦重播佢有份演嘅《創世紀》,人氣同曝光度爆晒燈,小編搵嚟古仔入行25年以嚟嘅型英帥靚相。

1995年24歲白淨小鮮肉95年未滿25歲嘅古仔,白白淨淨、一臉稚氣、靚仔到痺,絕對係白淨小鮮肉。

1994年首部劇暗戀陳松伶古仔93年加入無綫,首部劇集《婚姻物語》暗戀同事陳松伶,趁對方失戀乘虛而入。

1995年首擔正演不羈楊過古仔拍咗三套劇後就喺《神鵰俠侶》擔正,演繹出楊過那份亦正亦邪、瀟灑不羈,而李若彤演小龍女仙氣逼人,二人媲美劉德華陳玉蓮版本。

憔版楊過

古仔嘅白髮楊過造型,突顯出楊過由不羈反叛轉而沉穩內斂,滄桑憔悴。

2001年經典項少龍奪視帝古仔在無綫最後一部劇集《尋秦記》,演機智風趣、英俊瀟灑、風流多情嘅項少龍,加上不斷講現代俚語,演得入型入格,為佢贏得同年《TVB萬千星輝賀台慶》「我最喜愛的電視角色及最佳男主角」,繼99年劇集《刑事偵緝檔案Ⅳ》再度封視帝。

 

2005年猛「藍」百事巨星古仔05年開始擔任百事可樂亞洲區代言人成為「百事巨星」之一,廣告中染一頭彩藍色髮造型勇猛,名副其實係猛「藍」。

2000年Mr. Cool進軍樂壇古仔踏入千禧年以Mr. Cool形象進軍樂壇,曾奪勁歌男新人金獎,至03年共出過三張EP同一隻大碟《今期流行》,大碟同名主打歌,歌詞「今期流行,流行椎名林檎……」當年唱到街知巷聞。

2001年31歲半裸晒古銅肌01年古仔一身古銅色健康膚色加結實肌肉,型到爆炸!

2001年Mr. Cool出寫真集古仔至今出過三本寫真集,當中以呢本喺意大利取景嘅《Cool》影得最靚,封面相真係如書名cool到爆。

遊聖馬可教堂

古仔企喺意大利名勝聖馬可教堂前英氣十足,寫真集中有唔少呢類大頭相。

坐艇遊威尼斯

古仔坐貢多拉遊意大利威尼斯,盡顯型英帥魅力。

 

建小學、捐贈醫療室、750口水窖

古天樂因2008年目睹汶川地震摧毀咗好多人嘅家園,決定成立「古天樂慈善基金」,幫助有需要嘅人,佢仲出錢又出力,私下經常跟進同了解興建學校慨進度,確保唔會出現豆腐渣工程。曾有記者致電詢問「在大陸捐建60幾間學校花咗幾多錢?」古天樂唔肯透露,只係話:「我只係本著做善事嘅心,唔想講錢,亦冇目標要捐建幾多學校。」仲話自己有小小成就,有能力就幫忙,亦會一直做落去。據知古天樂至今已斥資興建97間小學,並捐贈18間醫療室、750口水窖同1座小水利工程,捐款超過2,425萬。

古天樂在內地興建咗近百間小學,學校遍及廣西、甘肅、貴州與四川等地。
古天樂在內地興建咗近百間小學,學校遍及廣西、甘肅、貴州與四川等地。

 

爾冬升曾列出古天樂喺內地興建嘅學校名單,水蛇春咁長。
爾冬升曾列出古天樂喺內地興建嘅學校名單,水蛇春咁長。

曾幫「大佬B」還巨債

除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知「大佬B」喺1999年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。

「大佬B」吳志雄曾公闕感謝古天樂喺佢最困難時支持佢。
「大佬B」吳志雄曾公闕感謝古天樂喺佢最困難時支持佢。

此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。有傳古仔仲一直照顧前度女友黃𨥈瑩,每月都有畀生活費對方。

有傳曾經同古天樂拍拖七年嘅黃紀瑩,分手後亦一直獲古天樂照顧。
有傳曾經同古天樂拍拖七年嘅黃紀瑩,分手後亦一直獲古天樂照顧。

帶孤兒參觀其《星戰》藏館

古天樂係《星球大戰》迷,喺佢嘅私家藏館,就珍藏咗大批心愛嘅玩具,唔對外開放,只會偶爾由影迷會會員帶同孤兒院嘅小朋友前往參觀。

古天樂
古天樂

99年 同宣萱齊封帝后

1999年男女主角古天樂與宣萱《刑事偵緝檔案IV》,奪得萬千星輝頒獎典禮最佳男主角和最佳女主角獎。自從無綫劇《不懂撒嬌的女人》播出後,工作長接長有,而宣萱同古仔呢對最佳熒幕情侶再度合作,皆因宣萱同古天樂旗下經理人公司合作,佢早前席公開活動話:「以Part-time形式幫我接Job,冇諗過同Ronnie(古天樂經理人)識咗十幾廿年後會再合作。試探吓先,如果夾就繼續合作落去。(傾向會做咩?)始終都鍾意拍劇,主持方面就弱啲,如果係商演、廣告就舒服。」

由潘嘉德監製《刑事偵緝檔案IV》,陳錦鴻、古天樂、宣萱、佘詩曼及李珊珊領銜主演!
由潘嘉德監製《刑事偵緝檔案IV》,陳錦鴻、古天樂、宣萱、佘詩曼及李珊珊領銜主演!
當年古天樂榮升視帝時,仍未滿三十歲。
當年古天樂榮升視帝時,仍未滿三十歲。
現年47歲的古天樂,隨著年齡越來越大,成熟的魅力也是越來越強,而且隨著經驗越豐富,演技也是不斷提升。近幾年都有多部電影上映,《殺破狼貪狼》、《常伴你左右》等,你知道嗎?這位充滿魅力的帥氣大叔到現在還是單身。
現年47歲的古天樂,隨著年齡越來越大,成熟的魅力也是越來越強,而且隨著經驗越豐富,演技也是不斷提升。近幾年都有多部電影上映,《殺破狼貪狼》、《常伴你左右》等,你知道嗎?這位充滿魅力的帥氣大叔到現在還是單身。

身家過10億

據聞古天樂的身價已經超過10億元,是一位名副其實的超級富豪,而且不僅是有錢,而且很有愛心,在內地貧窮地區捐贈近百間中小學。不管是經濟條件,還是在心靈上都是那麼富有,現在只差一位彼此相愛的女伴,共渡餘生。而且古天樂絕對是本地鑽石型男中最優質的頭幾位,他一直以來拍過不少作品,跟不少美女索模工作,但絕少傳出緋聞,多年來,他只唯一公開承認一個女友,就是跟他拍過拖7年的黃紀瑩。有指他們雖分開多年,但仍然有交流,古天樂仍然很關心對方,甚至有指古天樂曾承諾一生都不讓人傷害她。由此可見,他們分手後仍是朋友,古仔更對對方照顧有加,絕對是有情有義的大暖男!

古天樂除黃紀瑩外一直冇被人影到拍拖,感情生活很低調!
古天樂除黃紀瑩外一直冇被人影到拍拖,感情生活很低調!
以前有看tvb的相信都知道黃紀瑩是誰,當年她是最上鏡小姐,現在42歲的她仍然保養得很好。
以前有看tvb的相信都知道黃紀瑩是誰,當年她是最上鏡小姐,現在42歲的她仍然保養得很好。
上面提到古天樂絕少傳緋聞,早前就傳過他跟小15歲的台灣藝人郭采潔,因為拍愛情片撻著,消息令大家震驚,二人的名字在微博的搜尋量過百萬。不過後來古仔出席活動,就話「不是事實的事就不回應。」看來筍盤古仔仍然是available啊!
上面提到古天樂絕少傳緋聞,早前就傳過他跟小15歲的台灣藝人郭采潔,因為拍愛情片撻著,消息令大家震驚,二人的名字在微博的搜尋量過百萬。不過後來古仔出席活動,就話「不是事實的事就不回應。」看來筍盤古仔仍然是available啊!

古天樂首奪金像獎影帝

古天樂從影多年,演出角色無數,但之前竟從未攞過電影獎項。不過古仔今年在《殺破狼‧貪狼》飾演一位任警察的單親爸爸,罕有地親身上陣演出連場動作場面,內心戲又有感染力,最終佢憑此片打破宿命,在「第37屆香港電影金像獎 」中,首奪金像獎影帝!

恭喜古天樂首奪影帝!
恭喜古天樂首奪影帝!
古天樂
古天樂
古天樂獲影帝競爭對手劉德華送上祝福。
古天樂獲影帝競爭對手劉德華送上祝福。
古天樂在印度巨星阿米爾汗手上接過獎座。
古天樂在印度巨星阿米爾汗手上接過獎座。

 

TVB女藝人學歷大檢閱 48個你知幾多個?

6大運動型女神 鍾意爆汗定爆乳?

延伸閱讀:

患病雙胞胎險「抓周定生死」幸獲藝人夫婦低調捐醫療費

其他內容