最後通話 頂撞老竇 鄺芷凡抱憾終生

東方日報
·2 分鐘文章
除了演藝工作,又要接管父親生意,鄺芷凡未來可有排忙了。
除了演藝工作,又要接管父親生意,鄺芷凡未來可有排忙了。

藝人鄺芷凡一向生活無憂,前年底突收到爸爸心臟病發離世的噩耗,她不單未能見他最後一面,憶起與父親的最後通話竟以爭執告終,更令她懊悔不已,上了人生最殘忍的一課,也留下人生不能磨滅的遺憾。

鄺芷凡(Omi)早前忙於拍攝香港開電視節目《五星級絲打II》,表示有首輯的經驗,希望今次做得更好,她說:「疫情冇得外遊,介紹香港好玩、好食、好用嘅嘢畀大家。」拍攝這節目令她感觸良多,因拍攝第1輯期間,爸爸突然離世,令她的生活頓失重心,說起舊事不禁流淚:「爸爸係突發心臟病走嘅,佢身體一直好健康,之前完全冇先兆,走前嗰一日我有嘢問佢,仲同佢吵咗兩句,之後佢打電話畀我,我都唔聽,佢就留言講咗個解決方法,到晚上就收到佢走咗嘅消息。個留言成為我哋最後語音,令我終身受用,我當時好後悔,完全明白失去咗才學懂珍惜呢句話,上咗人生最大嘅一課。」

頓失精神支柱

難以接受的心痛,令她情緒一度失控,她說:「我好抑壓,當冇人嘅時間不停爆喊,呢個係好大嘅遺憾,嗰段時間好難過,但唔想影響同事情緒,冇特別提起,但個人連化妝都唔上妝,心情好低落。」一直有爸爸庇護,突然失去支柱,迫使她快速成長:「以前爸爸係我最大嘅後盾,突然所有嘢都變晒,要打點好多嘢,公司、家人、又要做幕前,心諗點解人哋做到,我做唔到呢?所以我好努力,想做啲成績畀爸爸睇。」

接管批發生意

除了做節目主持,Omi要接管爸爸日本食物批發生意,她說:「初初不知所措,但公司都要營運,好彩有partner打點,而自己都會參與,因為疫情餐廳大受影響,都建議佢哋網上銷售,又會多啲同網民交流,用自己能力參與生意。」

想起父親生前的點滴,令鄺芷凡感觸不已。
想起父親生前的點滴,令鄺芷凡感觸不已。