最有良心航空公司 印度廉航終於要炒人

全球航空公司面臨新冠肺炎疫情,紛紛都要減人工、放無薪假、裁員等,不過印度一間廉航Indigo(靛藍航空)可以話係良心企業,全球數一數二難得至4月都仍然全數出足糧嘅航空公司,可惜由於航班大減,日前終於都捱唔住,決定裁減10%員工約2,300多人。CEO Ronojoy Dutta就表示今次係公司史上最難嘅決定,除咗裁員之外,亦宣佈一系列減薪、無薪假等降低成本措施。目前靛藍航空擁有250架飛機,但有超過9成都只係一直停泊機場上,可以話係燒錢。印度5月25日恢復國內航線營運,但國際線依然係9成停運,不過7月底就會開通美國、德國、法國及阿拉伯雙邊航線,預計可以增加航班,以減輕航空公司財政壓力。

印度廉航Indigo(靛藍航空)可以話係良心企業,難得4月為止都出足糧。
印度廉航Indigo(靛藍航空)可以話係良心企業,難得4月為止都出足糧。
Indigo日前決定裁減10%員工,約2,300多人。
Indigo日前決定裁減10%員工,約2,300多人。
靛藍航空擁有250架飛機,但有超過9成都只係一直停泊機場上。
靛藍航空擁有250架飛機,但有超過9成都只係一直停泊機場上。

相關文章:

遠離塵囂放鬆-波-七大夢幻中部露營區

山中野溪療癒秘境-免費溫泉大拍仙氣美照

免落街買餸日本網上宅配超市新服務-最快兩日收貨虛擬麵店