【最熟悉的陌生人】唐寧視印傭為家人都惹負評 「抨擊在所難免」

唐寧日前(6日)出席以環保概念為主題的時裝設計比賽,平時非常關心環保議題的唐寧就表示非常支持本次活動:「我自問都已經同時裝界脫節咗好多年,但今次都係以環保時裝為主,所以都值得支持。」被問到如果大眾都想支持環保,可以如何從服裝入手?「唔好過份地買新衫啦。其實都真係唔需要買咁多衫,有好多舊衫,就算你話個款式過時,你再諗下可以將佢改啦,又可以將佢轉贈畀朋友。」

唐寧更直言因為減少了買新衣的需要而感到很幸福:「出去做嘢可以借衫啦,未必下下都要買新衫,因為好多時真係著一次就唔會再著。」她更建議每次買新衣服時,都先三思衡量一下,是真的有需要才買。

最近唐寧亮相ViuTV熱播的節目《最熟悉的陌生人》,親身到了陪伴她6年的印傭姐姐(Muji)位於印尼的家鄉。本身是印尼華僑的她已經曾到訪印尼多次,卻第一次去Muji的家鄉。被問到是不是跟相處多年的印傭姐姐,嘗試到不同的「第一次」?「都係,我坐佢車尾囉!佢揸電單車,好有型!」Muji雖然只是陪伴了她6年,但唐寧卻視她為一起經歷了很多的家人,所以在真正見到Muji以工作換來的新家時都很替她感到高興。

節目播出後都惹來部分網民的激烈的抨擊,唐寧表示有負評都是在所難免:「正常嘅,大家表達意見係OK嘅,我又唔會諗太多。」(會唔會都盡量唔睇啲唔好嘅留言?)「其實好唔好我都唔會點睇,都係想俾番個空間大家討論啦。」她更表示非常尊重大家表達各種意見,能夠激發思考也未嘗不是一件好事。

點擊瀏覽《香港01》更多內容和圖集

你可能感興趣:
ViuTV真人騷唐寧訪家傭鄉下眼濕濕 網民各走極端掀罵戰
ViuTV節目《最熟悉的陌生人》 唐寧陪家傭回鄉體驗當地女性辛酸

其他內容