最癲初次約會 山系男女約埋一齊行5日山

19+

 

手機年代,咩都即刻有。

約會app直情令搵食男女有圖有(少少)真相。

 

Chat完見面唔出奇,第一次出街,

食lunch最啱數,有限時間,ok嘅有下次,

唔ok嘅都不過捱個幾鐘。

 

加拿大女護士Tess,透過約會app Tinder搵到對象,

係來自另一個地方嘅Lory。

 

Tess工作嘅地方係偏遠城鎮,而Lory本來計劃去旅行嘅目的地,

正係Tess嘅所在之處。

出發前Lory用約會app搵吓有冇新朋友識吓,

結果就搵到Tess。

 

傾傾吓,Tess有個大膽建議︰

佢問Lory有冇興趣一齊行山……不過條路五十幾公里,要行5日。

換著其他人,要同個網上傾咗一陣嘅陌生人對足5日,

仲去埋荒山野嶺,都唔知會發生咩事,又或者完全唔啱咀型真係中晒大伏,怕且都耍手擰頭。

之但係完成呢5日旅程,雙方都好滿意。

 

佢地體力差不多,冇話要邊個等邊個。

而且傾落就發覺好似識咗對方好耐,5日以來唔怕冇話題;

仲要發現原來大家老家嘅位置係喺附近,問你怕未?

 

好多情侶將第一次旅行當成小測試,你地話咁快就過關,

唔駛諗喇,係佢架啦。

原文傳送門

你可能還想看