有人宣揚買電話卡撐Anson Lo叱咤投票 神徒發聲明澄清:只會用正規方式

「錯粉」宣揚買電話卡撑Anson Lo叱咤投票 神徒發聲明澄清:只會用正規方式
「錯粉」宣揚買電話卡撐Anson Lo叱咤投票 神徒發聲明澄清:只會用正規方式

人紅自然事非多,繼10月份有人冒認姜濤並邀請粉絲視像對話嘅騙案發生,日前又有人冒認鏡粉。先喺網上聲稱有MIRROR飯局嘅機會,指「和六子共享晚餐」、「機會難得」、「要有預算昂貴價格」,仲話到有興趣者可DM查詢,而花姐(黃慧君)就喺IG Story反問:「有咁嘅事?!」以澄清呢場騙案。

由於2021年度叱咤樂壇流行榜頒獎典禮舉行在即,唔少粉絲都會幫偶像拉票,趕及最後投票衝刺;盧瀚霆(Anson Lo)今年有份入圍「我最喜愛男歌手」最後五強,網上就有人以「神徒」名義,宣揚要一班「神徒」購買大量電話卡,以支持教主奪獎,不過Anson Lo歌迷會前日(1日)就喺社交平台發聲明澄清,指Fans Club從無提議或要求任何神徒做出此等行為,又認為此舉不代表FC立場:「FC亦深信此舉並不是真心支持教主及愛護 #大家霆 的真神徒所為。敬請各位神徒繼續用正當的方式支持我們最愛的教主,一起守護大家霆。」一班真正嘅神徒紛紛表示,真心喜歡教主嘅神徒都係乖巧正直,並唔會咁做:「神徒只要做好自己本分便足夠,希望『有心人』唔好以『神徒』之名去影響教主。」、「我哋只會用正規方式一人一票,投票比教主」、「我地唔係俾呢啲抹黑影響,一定繼續爭取更加人支持教主」等等。

至於姜濤早前延期嘅第9首個人單曲仲未有聲氣,花姐就大派強心針畀一班姜糖,指最近有同姜濤討論出歌、年尾頒獎禮及未來發展事宜,仲寫道:「見到大家咁支持自己真係好開心,呢份厚愛帶俾我哋無限動力,邊個唔想有好成績,但對MIRROR、ERROR、對老姜嚟講,可以有機會做好音樂,繼續可以喺舞台表演,可以嘗試唔同嘅挑戰,先係最想要嘅嘢。所以希望大家投票俾我哋嘅同時,亦希望大家欣賞我哋嘅作品,陪著我哋成長。老姜金句,『用我哋作品去感激大家對我哋支持』」花姐又提到16子多謝粉絲每一票:「無論成績如何,都會繼續努力!如果有『我最喜愛粉絲』呢個獎,必屬鏡粉同錯粉。」有鏡粉就留言回應指:「如果有『我最喜愛經理人』獎,必屬花姐!」

Anson Lo 盧瀚霆
Anson Lo 盧瀚霆
Anson Lo 盧瀚霆
Anson Lo 盧瀚霆
Anson Lo 盧瀚霆國際後援會出澄清啟事
Anson Lo 盧瀚霆國際後援會出澄清啟事
姜濤
姜濤
姜濤
姜濤
MIRROR
MIRROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!