有心理準備做手術 江嘉敏依賴拐杖 左腳肌肉萎縮

江嘉敏否認入馬場釣金龜。
江嘉敏否認入馬場釣金龜。

早前意外滑倒導致左腳小腿骨裂的江嘉敏,昨日出席活動時透露因長期依賴拐杖,導致左腳肌肉萎縮,若情況未有改善,將要做手術。她又否認入馬場釣金龜,笑言志在感受氣氛。

江嘉敏、何廣沛、朱智賢(朱朱)及陳曉華等,昨日宣傳無綫劇《食腦喪B》,為結局篇造勢。受腳傷困擾的嘉敏未有撐拐杖上陣,透露受傷後依賴右腳支撐身體,最終搞到左腳出現肌肉萎縮,在醫生建議下,已棄用拐杖1星期,現時接受針灸及物理治療,若情況未有好轉,已作最壞打算做手術。

談到早前入馬場,卻被網民指釣金龜,她表示:「當日同行嘅都係女仔朋友,大家志在感受氣氛。」對於有指她採取「滴血減肥」,她揚言只會採用健康方法。而廣沛表示即將開拍新劇《你好,我的大夫》,獲劇組安排學針灸,嘉敏聞言即叫他針灸腳傷,但廣沛說:「我唔想對你下半身負責任呀!」

朱智賢被勒令減肥

至於朱朱穿上Tube Top騷馬甲線,問到是否展示瘦身成果?她笑言:「唔係,本身我瘦底,配合埋運動容易啲,重點係我戒咗消夜,個肚腩瘦番晒!」她自爆忙拍新劇《破毒強人》,經常吃公仔麵做消夜,最終被監製勒令減磅。心情大靚的她被問是否走出負面時期?她表示:「的確係睇嘢唔同咗,以前好多嘢好驚,但依家會勇敢啲。(睇男仔都叻啲?)依家使乜睇啫!(淨係睇男友謝東閔?)係呀。」

何廣沛不想為江嘉敏下半身負責任。
何廣沛不想為江嘉敏下半身負責任。
朱智賢露腰搶鏡。
朱智賢露腰搶鏡。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能