有數計:生一個小朋友 令細胞老化11年

十月懷胎呢份偉大,相信唔使多講,生仔對女性嘅心理及身理都有一定程度嘅損耗,相信係不爭嘅事實。不過實際上可以點量化生存對媽媽身體上嘅損害呢?原來有方法!

美國喬治梅森大學(George Mason University)就進行研究,抽取咗2,000位女士作為參與對象,喺佢哋生BB前同生完後,用DNA對比當中變化,結果發現生完BB後細胞會老化,而平均係老化11年,即係話生一個BB,會老多11年!呢項研究仲話,不論母親嘅種族、年紀、健康程況等,只要一生仔,就會老11年,就算閣下一向健康,勁食補品或者做好養胎措施都無分別。而且仲話生仔係令細胞老化得最快嘅事,其次係肥胖會老9年,吸煙會老5年!媽媽,真係辛苦晒!