有數計:飲咖啡可以睇出人格 齋啡代表有精神病人格?

唔少人尤其係西方人,都鍾意飲咖啡,可以當水一樣由朝飲到晚;原來飲咖啡嘅不同口味,都可以反映個人性格!

奧地利Innsbruck大學早前一項調查,訪問咗1,000位成年人有關飲咖啡嘅習慣,再對照佢哋本身嘅人物性格,睇下有咩發現。公佈出嚟嘅結果係,原來習慣落糖落奶嘅人,普遍性格係比較隨和,對一切無乜所謂,平易近人;相反鍾意乜都唔落飲齋啡嘅,個人係情緒化,甚至偏向有精神上缺憾,比較有精神病傾向!不過研究人員話唔代飲齋啡係有精神病,只係佢哋多數有性格啲,唔會咁易相處,大家又覺得係唔係呢?