有樣學樣 網紅舔廁所後疑似確診新冠肺炎

19+

人人都防疫,居然有人趕住想中招。 新冠病毒爆發之後,睇過唔少人想借機上位, 例如喺飛機上話自己中招、扮喺地鐵倒瀉病毒樣本, 仲有上星期有位女子竟然喺飛機上舔廁所板,又話新冠肺炎係窮人先會中招! 既然咁多人鬧,即係好多人識啦! 有另一位網紅Larz照辦煮碗,喺公廁玩舔馬桶,仲要連「瀨」幾次! 去片 點知Larz條片放上網幾日之後,下一個post就已經見佢瞓喺病床上, 仲話自己中咗新冠病毒! 去片 係咪抵死?可能啦,因為第2條片冇咩嘢證明到Larz堅係中招。 而且呢位仁兄,都試過喺網片度, 示範喺超市雪櫃拎桶雪糕出嚟,舔完一啖再放返入去…… 結果警察要上門拉人! 睇返個twitter,佢搞咁多嘢,都係得唔夠一萬人like…… 算吧啦你!

【相關搜尋】美國舔馬桶網紅宣布競選總統

你可能還想看