期待拍檔攞獎 胡鴻鈞睇穿真假 何依婷冇得詐喊

藝人何依婷今年台慶角逐多個獎項，胡鴻鈞坦言對她有信心，想一睹她上頒獎台的表現，並笑說：「對咗佢幾個月，一睇就知係真喊定假喊。」

歌手胡鴻鈞、何依婷、姚嘉妮及羅天宇等昨日於紅磡出席無綫台慶劇《十月初五的月光》宣傳活動，此劇於下月舉行的台慶頒獎禮中共獲27項候選提名，包括最佳男女主角、最受歡迎電視男女角色、飛躍進步男女藝員等，眾演員把握時機拉票，而胡鴻鈞即席獻唱主題曲《祝君好》，眾演員又分兩隊玩扯大纜，大搞氣氛。

何依婷獲提名視后外，亦角逐最佳女配角及飛躍獎項，胡鴻鈞則入圍爭視帝及最受歡迎電視歌曲獎，他踢爆何依婷曾揚言若能踏上頒獎台，定必會瘋狂多謝他，何依婷聞言即說：「我講笑！因為佢喺台上不斷話我攞獎，所以隨口講，其實我覺得有獎項係鼓勵，平常心面對，冇期望就唔會失望，最想攞係拍檔獎。」而胡鴻鈞對她奪獎表示有信心，並說：「就由『飛躍』開始，佢今年嘅進步同表現係值得嘉許，好想睇佢攞獎時嘅表情，拍劇對佢幾個月，一睇就知係真喊定假喊。」至於談到他的攞獎信心？他說：「我有自知之明，喺戲劇資歷同實力都未足夠攞獎，所以大家鍾意就得。」

姚嘉妮恨攞獎

另外，被網民激讚的姚嘉妮，坦言心情難以形容，不諱言「萬朱莎華」乃經典角色，演繹時有無形的壓力，幸播出後獲觀眾接受，令她鬆一口氣。說到網民看好她奪「女配」，她恨獎恨到出口：「有就梗係好，唔拘呀！都知道好難，今年好多候選女配角都好好，所以我都有拉票，唔知拉唔拉得夠？」