期盼人人彈起 「紅」運當頭 MIRROR四子搞「內鬥」 望牛年繼續旺爆

【星島日報報道】人氣男團MIRROR去年橫掃多個獎項，姜濤成為最年輕的叱 「我最喜愛的男歌手」及「我最喜愛的歌曲」得主，盧瀚霆（Anson Lo）及柳應廷（Jer）則勁擸新人獎，呂爵安（Edan）亦憑劇集《男排女將》及遊戲節目《膠戰》人氣急升，風頭一時無兩！牛年伊始，MRROR四子大玩新春遊戲放笑彈，姜濤「拉弓」彈凹阿Jer額頭，令他「紅運當頭」；又與Anson Lo拍住上「降服」Edan及阿Jer「做牛做馬」，繼續旺爆！

文：彭形影 圖：陳敏華、錢文坤

踏入牛年，MIRROR四子當然希望繼續彈起，他們率先挑戰「人人彈起」遊戲，素有「黑氣石」之稱的 Edan自告奮勇玩先，幸安全過關，但「金Jer」竟於第二下便令公仔彈起，笑爆全場，眾人即輪流彈阿Jer額頭一下作懲罰。雖然「金Jer」揚言「山水有相逢」，呼籲隊友放水，但姜濤已馬上拉筋，「教主」Anson Lo見狀即留手，絕對是暖男一名。壓軸登場的姜濤，試力時已彈到「澎澎聲」，阿Jer驚極大叫說：「嘩！姜濤彈穿張 ，大佬！殺人呀！」但Edan沒有絲毫憐憫之情，反而夾實阿Jer「上刑場」，姜濤亦不負眾望，彈到阿Jer痛爆：「姜濤彈到我差 流鼻血呀！」

牛年各有各大計

不甘被「秒殺」的阿Jer，隨即高呼要「覆啅」，更揚言要雙倍懲罰，期間 Anson Lo不時淒厲地高呼：「好驚呀、救命呀！」姜濤亦緊張得出現招牌「叮噹手」，場面搞笑！經過一輪漫長比賽，阿Jer的「神之手」再度「中獎」，「登Son」即High爆指今次不會留手，Anson Lo更即席向姜濤拜師學藝，令阿Jer大叫教主彈得比姜濤更痛。Edan趁機挑撥離間說：「阿Jer話你弱過Anson Lo呀！尊嚴何在呀？」成功燃起姜濤的戰意，阿Jer只好求饒說：「姜濤你好勁呀！」慘遭隊友蹂躪的阿Jer，不但將近流鼻血，額頭更明顯凹陷兼爆紅，相信今年一定「紅運當頭」！

第二會合，四子分成兩組抽啤牌鬥大，阿Jer似乎見過鬼未怕黑，揚言要3倍懲罰當復仇，雖然「姜Son」只抽出13點，但行運行到腳趾尾的「Jerdan」仍僅輸一點，只得12點，「姜Son」即扭作一團瘋狂恥笑，更奉旨騎 「Jerdan」完成5下掌上壓。「姜Son」明言會坐爆「Jerdan」，更不停「加辣」，雙腳離地兼作狀策馬奔騰，令「Jerdan」痛苦得面容扭曲，果然「兄弟情深」！

牛年大計，姜濤透露早前赴台拍攝的偶像劇《超感應學園》今年出街，希望叫好叫座，而曲風亦會增加舞蹈元素，相信一班「姜糖」期待已久。Anson Lo同樣會專注發展跳唱，MV會嘗試暗黑風格，同時亦要兼顧與Edan合作的港版《大叔的愛》，雙 發展。阿Jer則希望疫情盡快緩和，MIRROR能開騷與Fans互動，個人則想嘗試不同曲風。而Edan慶幸MIRROR去年憑《男排女將》及頒獎禮等演出令大家改觀，成功「入屋」，希望牛年能承接旺氣；自己則會推出Solo歌、劇集及綜藝節目，繼續向全能藝人之路進發。

專心工作拒拍拖

談到去年名利雙收，「疫巿奇葩」姜濤表示自入行賺錢後，新年均會封大利是孝敬父母，Anson Lo即 他今年要封5位數字，姜濤說：「唔知喎！看看阿媽要求，阿媽會提示我，但年年的提示也不一樣，哈哈！」阿Jer即笑 他開支票讓姜媽任填最實際，數口甚精！Anson Lo則不習慣封利是給父母，但一定會加家用，期間一度將「加家用」講成「加人工」，阿Jer即趁機說：「咁人工都要加 ！」Edan即望實經理人花姐說：「加人工都不止是今年的願望，哈哈！」見勢色不對便「笠水」說：「其實我們都很知足了！」他又指媽咪在農曆年期間生日，會送上現金獎賀壽，阿Jer再度「神算」上身說：「嘩！我都想畀現金獎呀，可惜我冇錢啦，惟有唱首歌給阿媽聽，哈哈！」

至於「鏡粉」最關心的桃花運，姜濤說：「桃花長旺，旺旺！」又呼籲有女友的阿Jer不要亂答，阿Jer即「戴頭盔」說：「做藝人有桃花當然好啦！代表有更多粉絲支持嘛！但個人的桃花就不用太旺了，哈哈！」Edan及Anson Lo爭認桃花不旺，又笑指若是旺桃花便不用拍BL劇集，更表明為了專心工作而不打算拍拖，姜濤聞言即說：「他們都說不拍拖，那麼我也不拍了，哈哈！」

教主跪地拜年逗大利是

MIRROR四子各有不同的新年習俗，Anson Lo年初一例必跪地向父母拜年，狂講祝頌語直至雙親滿意為止，笑認利是錢跟Edan的人工差不多，Edan即賣口乖說：「嘩！咁真係好多喎！」Edan又謂媽咪會自製年糕，自己會忍不住狂食，故每逢新年後都會發福，笑問姜濤是否也趁新年狂食？Edan即爆大鑊說：「他不只是新年才狂食啦！」姜濤亦自嘲說：「大家看看我的臉圓成這樣便知道啦！」阿Jer則會跟大班親戚齊齊食盆菜及打牌，但否認是「魚腩」，玩遊戲時全因與「黑氣石」Edan同組才輸，「姜Son」即踢爆阿Jer也是「老鼠屎」，幾乎玩乜都輸。

娛樂