雅虎香港新聞 未來旅行五大趨勢 唔洗兌錢、機械人知你幾時肚餓
科技改變人類生活，旅行也一樣。從前拎地圖，今日有Google Map；從前拎旅遊書，如今則有網上旅行書；從前要挨長途電話費，如今Skype、Whats app都可以拉近人與人之間的距離。科技不斷進步，究竟將會點樣影響旅遊呢？Expedia最近就推測咗未來旅遊的五大趨勢，小編怕第時唔識點去旅行啦！.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
1.VR遊世界
VR(virtual reality)普及，旅行也一樣，大家只要戴上VR眼鏡，就可以睇到當地嘅現實環境，彷彿置身其境，仲可以同周遭嘅環境互動，唔洗搭飛機都去到旅行，嘩，咁好無意義喎！
相片來源: allthingsvr@tumblr
2. 電子付款
兌錢好麻煩，帶住咁多錢去旅行更麻煩！而家Bitcoin亦開始成為貨幣之一，一啲大型網站，例如Expedia同埋其他大型酒店都已經接受Bitcoin作為交易。加上近來推出嘅Apple Pay同中國支付寶，可見電子貨幣將會取代現金作為交易，相信會更為方便。
相片來源: iheartapple2@tumblr
3. 機械人服務
近年機械人慢慢出現係服務性行業，好似機械人酒店、機械人餐廳等等。而係美國嘅康乃爾大學更研發到多功能服務型嘅機械人，能夠預計到客人肚餓嘅時間，斟野飲同開門，相信服務業會越嚟越機械化。
4. 無人飛機
雖然無機師嘅飛機有d恐怖，但相信現今科技可以將佢變為事實。其實係新加坡已有無人車岀現，而美國正在研發無人飛機，相信不久嘅將來大家可以坐無人飛機到外地旅遊，睇嚟機師好快變成夕陽工業……
相片來源：aircraft24 @tumblr
5. 升級飛機餐
好多人嫌棄飛機餐，但聽講嚟緊飛機餐會有更多有機食物，同更貼近當地國家文化嘅食物。同時，亦有3D打印技術用於餐單上，令乘客更了解食物，再作選擇。相信日後乘客可以係飛機到食到自己想食嘅野。
相片來源: afimdobrasil@tumblr
更多相關文章:
