未來音樂祭宣佈籌備音樂頒獎典禮「TONE音樂大獎」 樂迷一人一票選出心儀音樂作品

《Tone Music Festival 2021 未來音樂祭》
《Tone Music Festival 2021 未來音樂祭》

《Tone Music Festival 2021 未來音樂祭》前晚喺九龍灣STAR HALL舉行,大會邀請超過20個音樂單位,包括RubberBand、Serrini、王菀之、周國賢、岑寧兒、ToNick、小塵埃及per se等等。音樂祭不但為樂迷帶來一場精彩演出,同時宣佈即將籌備全新音樂頒獎典禮「TONE音樂大獎」。

「TONE音樂大獎」係開放給所有音樂人參與,並將所有音樂作品分為7種音樂類型,除咗由專業評審選出部份獎項之外,樂迷亦以一人一票投選心儀嘅音樂作品。頒獎典禮頒發嘅年度獎項如下:

1. Tone音樂排行榜 一至十位
呢個係年度公眾投票獎項,每年將會分為4次季選,樂迷可以經網上踴躍投票選出自己喜歡嘅作品,網上公開票選排行榜嘅第一至第十位。

2. UNISON聯頒大獎
獎項將會經過8個階段月選,全港大學生投票選出第一至第十位。

3. 音樂類型獎項 - 最佳單曲/ 最佳專輯 / 最佳錄音室演繹
音樂一共分為7個類型,電子(Electronic)/ 民謠(Folk)/ 純音樂(Instrumental)/ 金屬 (Metal)/ 流行(Pop)/ 搖滾(Rock)/ 都市(Urban),並由年度專業評審委員會選出得獎作品。

4.其他類型創作及製作獎項
有待公佈。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!