未見過胡鴻鈞家姐 蔡思貝認問「大姑奶」借車

東方日報
·1 分鐘文章
蔡思貝透露拍新劇時頻頻受傷。
蔡思貝透露拍新劇時頻頻受傷。

女星蔡思貝與歌手胡鴻鈞戀情「地面化」!昨日她以運動Look出席活動,提到日前被本報拍得駕駛胡鴻鈞家姐的名貴跑車出巡,她笑着解釋因自己冇車,拍外景時亦冇公司車接送,加上地點偏僻,才問對方借車,並自爆未見過「未來大姑奶」:「佢唔喺香港。(融入男友家中?)唔係,我仲未見過家姐。」

她透露近日忙拍邵氏劇《飛虎3》,因需要極大運動量,令她有挫敗感:「成套Gear好重,加上開真槍有一定嘅重量,仲要拎住做打鬥場面,好困難!(有受傷?)有日拍完條頸郁唔到,因為個頭盔太重,拍足一日唔小心整親,之前都整親條腰。」問到可有被男友胡鴻鈞照顧?她冧爆笑言有睇中醫針灸。