朱孝天曾確診新冠冇人知 留守台灣一年零收入

·2 分鐘文章
朱孝天曾確診新冠冇人知 留守台灣一年零收入
朱孝天曾確診新冠冇人知 留守台灣一年零收入

台灣組合F4成員朱孝天近年己開拓內地市場,不過過去一年因為避疫所以長期留居台灣,點知佢近日就向台灣媒體自爆曾確診新冠肺炎,冇病徵下連佢自己都唔知已經「中招」!

朱孝天2019年已經中招。
朱孝天2019年已經中招。

佢提到2019年時佢就去咗內地商演,兩個月做足10幾場騷,某日佢喺廣東惠州唱完,當晚就高燒 、喉嚨發痛,他就話支氣管痛到同平時感冒好唔同,嘴巴後方發苦,但味覺並未喪失,加上第二日佢就要去新疆烏魯木齊開唱,最後佢選擇食藥壓下症狀。而嗰次商演太太韓雯雯都陪喺身邊,一直去到隔年1月底佢獨自返台灣過年,很快就有新冠肺炎爆發,令佢一直留到依家。到最近佢去Body Check問醫生,醫生先話幫佢驗完抗體後,推斷佢2019年應該中過招,但抗體數值已下降,佢仲話Feel到韓雯雯都被感染,印象中老婆都有一排唔舒服。

老婆都好大機會中埋…
老婆都好大機會中埋…
不過當時佢冇理到。
不過當時佢冇理到。

而佢上月底終於啟程飛內地,喺上海展隔離1個月,預計近11月先會到北京同愛妻見面。而朱孝天亦提到佢留台近2年來,就冇資源、冇人脈,感嘆自己明明「一個台灣人,卻沒有台幣進帳」。佢又指當年F4紅極一時,佢都未試過年收破億,最高人工嗰次係佢哋為觀光局代言,8,000萬新台幣(約2,222萬港幣)4個人分;當年4子又曾喺東京同大阪舉辦小型個唱,通常一場唱酬2萬美金(約15.57萬港幣),而佢一拎到錢就去買古董,依家大部分都放喺北京開嘅古玩店,佢在台期間就由韓雯雯管理。

佢又自爆F4時期收入,話從未試過破億。
佢又自爆F4時期收入,話從未試過破億。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能