朱慧敏揸「煮」意冧老公

東方日報
·2 分鐘文章
朱慧敏提早向大家拜年,祝願疫情盡快過去,人人健康。
朱慧敏提早向大家拜年,祝願疫情盡快過去,人人健康。

藝人朱慧敏上月升呢做人妻,婚後即迎來首個農曆新年,開開心心派雙封利是!由於醫生老公要「揸刀」搵食,她不讓老公十指沾陽春水,揸鑊鏟學做賢妻!

朱慧敏(Queenie)上月下嫁心臟科權威陳良貴(Jason),正式成為幸福人妻。兩夫妻婚後首次孖住接受訪問,向本報讀者提早拜年,祝大家身體健康。Queenie笑言第一年以陳太身份派雙封利是,希望其中一封利是印有自己姓氏:「我問Jason可唔可以畀我派一封姓朱、一封姓陳,我想保留作為朱小姐嘅身份,只係多咗一重身份,就係陳家新抱、陳太太。佢話冇所謂,可能佢喺外國長大,所以好多事都包容我。」

「女性機能似20幾歲」

問到造人大計進度?Jason說:「本身結完婚想有1、2年同太太去旅行,不過我唔反對有小朋友,順其自然。」Queenie表示經常被人「催生」,但堅持按照自己的計劃:「我以前計劃好多嘢,但時機未啱就未啱。我18歲以為自己25歲結婚,但冥冥中自有主宰。所以生BB唔好被年齡限制,時機到,上天就會送呢份禮物。起碼依家我做身體檢查,醫生話我啲女性機能仲係20幾歲。」

她透露平日多數親自下廚,拿手菜式是番茄炒蛋:「我好珍惜佢雙手,畢竟佢做手術時間好長,佢從來冇要求我煮,但我想佢返屋企好好休息。佢每次畀嘅反應令我好有滿足感,更加有動力。」Jason即冧老婆:「我真係鍾意食,愈簡單愈好。」

分享有「營」貼士

近日兩公婆頻頻做直播分享健康資訊,Jason預先分享新春有「營」貼士:「一般椰汁糕、糖冬瓜等賀年食品糖分好高,有機會增加心血管疾病風險,我建議可以食,但要注意分量,依家有新潮嘅禮盒代替,放果仁、無鹽嘅腰果,既健康又可以招呼客人。」

Jason激讚太太廚藝出色。
Jason激讚太太廚藝出色。
朱慧敏專心發展事業,暫時無意生B。
朱慧敏專心發展事業,暫時無意生B。